Abel Caballero: “O sábado ás 12 da mañá abriremos as piscinas municipais de Samil”
O alcalde anunciou esta mañá que permanecerán dispoñibles para uso cidadán “ata o 30 de setembro”, sendo “a única praia do mundo que ten piscinas gratuítas a disposición dos usuarios”.
As piscinas municipais de Samil abrirán o sábado 25 de maio, ás 12 horas, como indicou Caballero. “Estarán abertas ata o 30 de setembro”, polo tanto os meses de “xuño, xullo, agosto e setembro” completos e con acceso gratuíto.
O rexedor vigués indicou que o horario de funcionamento será de 12 da mañá a 21 horas do serán, para “as 5 piscinas de auga salgada de Samil”. Contarán con 11 socorristas en total, cubrindo a piscina máis grande, Ría de Vigo, con 2 socorristas e 1 socorrista en cada unha das catro restantes. Caballero resaltou que “durante o ano realizamos o mantemento adecuado para poder prestar o mellor servizo”.