A consellería de Xuventude ven de asinar un convenio co Museo do Mar de Galicia polo que os mozos e mozas de Vigo poderán visitar a exposición "Olladas oceánicas" as noites dos días 12,13,19 e 20 de decembro. O convenio asinouse no marco da programación das Noites Vivas que organiza a Concellería de Xuventude.
O vindeiro venres día 14 de Novembro ás 23 h., no Centro Xuvenil da Rúa Uruguai, 9, e dentro do Programa Noites Vivas, impartirase un obradoiro de Encadernación Artesanal. Tendo en conta a limitación de tempo o que se pretende realizar é un primeiro contacto cos materiais de encadernación, Colas, papeis ,cartóns, esta vez , montarase un lapiceiro e unha libreta caseira, de tal forma, que calquera sen saír de casa poida realizar un traballo así.
A Concellería de Xuiventude reiniciou a semana pasada os traballos do obradoiro de emprego Bidueiro, un proxecto dirixido pola Fundación Érguete que está a servir para recuperar o Monte do Castro e para crear neste parque unha zona dedicada á xuventude. As actuacións a desenvolver prolongaranse ata o mes de novemenro do próximo ano.
Para este fin de semana as Noites Vivas que organiza a Concellería de Xuventude conta cunha proposta variada de obradoiros, xogos, deportes, cine e moito baile, que se realizarán nas distintas sedes que se atopan espalladas pola cidade .
Os xoves de Vigo poderán adestrar as súas emocións co xogo galego EmotrionsOnCards nas Noites Vivas. A cita será o próximo venres 7 de novembro ás 22.30 horas no centro Xuvenil da Rúa Uruguai, 9. Haberá unha pequena explicación das regras de xogo e logo, unha competición aberta. A Asociación Xuvenil Cancerbero (Heraclio Botana, 6), tamén dentro de Noites Vivas, organiza a súa noite de xogos de cartas, onde tampouco faltará EmotrionsOnCards.
As ludotecas municipais que dependen da Concellería de Xuventude organizan este mes unha programación que abrangue dende a celebracións típicas da época como os magostos, ata os intercambios culturais pasando polos espectáculos e a comunicación.
O Concello elaborará un Plan Integral de Xuventude co que se pretende articular medidas que dean resposta ás inquedanzas e problemas da mocidade actual, polo que se creará unha Comisión Municipal Interdepartamental. O Concello considera oportuno este esforzo tendo en conta que o tramo de idade entre 14 e 30 anos representa máis do 25% da poboación total da sociedade viguesa.
A partires do mércores día 29 estará aberta na Casa da Xuventude unha mostra de fotografía a cargo da Fundación Cume co título "¿cómo puideches facerme esto a mín? ¿arrepentiraste...?"
O Centro Xuvenil da rúa Uruguai desenvolve un obradoiro de grafoloxía dentro do programa de actividades de Noites Vivas. O obradoiro levarase a cabo o venres, día 24 en horario de 23.00h. ata ás 01.00horas e amosarase aos participantes as principais pautas básicas que se empregan en grafoloxía para estudiar a escritura.
A Concelleria de Xuventude está presente cun stand en Universitúa, II Edición da Feira de Asociacións da Universidade de Vigo , que se celebra os días 22 e 23 na Área Comercial da Cidade Universitaria. Belén Sío, concelleira de Xuventude, participou hoxe no acto de inauguración e subliñou que a xuventude de Vigo representa máis do 25% da poboación total da nosa cidade e que no seu departamento municipal ofrecese ós xoves información, espacios para reunirse e asesoramento de actividades, entre outras cousas.