martes, 25 nov 2008
O Concello de Vigo e aqualia presentaron hoxe os novos vehículos de limpeza de sumidoiros que están dotados coas últimas tecnoloxías e capaces de minimizar os efectos acústicos ata nun 35%. No seu compromiso co coidado medioambiental, o Concello de Vigo e aqualia adquiriron estes dous novos vehículos, que xa están adaptados á futura normativa ambiental europea de emisión de partículas á atmosfera, prevista para 2010.
martes, 25 nov 2008
El Concello de Vigo y aqualia presentaron hoy los nuevos vehículos de limpieza de alcantarillas que están dotados con las últimas tecnologías y capaces de minimizar los efectos acústicos incluso en un 35%. En su compromiso con el cuidado medioambiental, el Ayuntamiento de Vigo y aqualia adquirieron estos dos nuevos vehículos, que ya están adaptados a la futura normativa ambiental europea de emisión de partículas a la atmósfera, prevista para 2010.
luns, 10 nov 2008
Os 9,4 millóns de euros destinados a humanizacións pola Concellería de Servizos Xerais no 2009 permitirán a mellora de Teis, Balaídos, Bouzas e o Calvario. Ademais, o departamento que dirixe Isaura Abelairas investirá outro millón de euros para abastecemento e saneamento en Sampaio, San Xoán Poulo, Candeán, Valadares e Coruxo.
martes, 21 out 2008
A concelleira de Vías e Obras do Concello de Vigo, Isaura Abelairas, presentou este martes as diferentes actuacións levadas a cabo na rede municipal para reducir o consumo de auga na cidade. Os 2,5 millóns de metros cúbicos de auga aforrados o pasado ano en Vigo abastecerían a un municipio de 34.000 habitantes durante todo un ano, salientou a edil.
mércores, 1 out 2008
O alcalde visitou hoxe as obras de humanización do entorno de Povisa, que esperan estar rematadas entre o 15 e o 20 de decembro. Nos próximos presupostos xa se contempla unha partida para continuar as obras e rematar o mandato co tramo entre a rúa Regueiro e Praza de España totalmente reformado.
mércores, 24 set 2008
O alcalde de Vigo presentou este mércores a primeira fase da humanización da rúa Eugenio Kraft, en Balaídos, unha obra con máis de 200.000 euros de orzamento que estará rematada antes de final de ano, tal e como indicou o propio Abel Caballero. Os traballos xa se iniciaron en setembro e hoxe en día xa están realizadas as catas e a demolición da parte superior da rúa, que finaliza na Avenida da Florida.
venres, 8 ago 2008
Os traballos de mellora da Alameda de Bouzas comezarán o vindeiro 18 de agosto, o que representa o primeiro paso da humanización do barrio vigués, que continuará dentro de dous meses coa reforma do entorno do mercado. O alcalde, que hoxe venres presentou o proxecto, salientou a "merecida" atención que se lle está concedendo a unha zona que aportou tanto ao desenvolvemento da cidade.
xoves, 24 xul 2008
O alcalde, Abel Caballero, informou do comenzo das obras de humanización do entorno de POVISA que comprenden as rúas Zaragoza (entre Álvaro Cunqueiro e Tarragona), Barcelona (entre Regueiro e Tarragona), Zamora (entre Regueiro e Tarragona) e Salamanca (entre Pintor Colmeiro e Gran Vía). O prazo de execución é de 5 meses e a obra esta adjudicada a Movexvial.<br />
<br />
venres, 16 mai 2008
Tras ser levada ao Monte do Castro no ano 1965, este venres foi devolta a escultura de Manuel Curros Enriquez á Alameda de Vigo, o lugar que ocupou desde que se inaugurou no ano 1911. Este ano se cumpre o centenario do pasamento do escritor e os alcaldes de Vigo e de Celanova inauguraron o retorno do busto ao seu emprazamento orixinal.
mércores, 7 mai 2008
O alcalde de Vigo, Abel Caballero, e a concelleira de Vías e Obras, Isaura Abelairas, asistiron este mércores ao inicio do sistema de Lectura Remota de Contadores, que se está a instalar nalgúns puntos da cidade e que permitirá facer a lectura con total fiabilidade sen ter que acceder ao contador. "Este novo sistema coloca a Vigo na vangarda do servizo de xestión de auga", subliñou Abel Caballero.
