Con 1,9 millóns de investimento, o Concello comezou este martes os traballos de remodelación da praza e da Baixada á Estación, que se prolongarán durante seis meses. A actuación inclúe a reconstrución do frontal de pedra da antiga terminal ferroviaria, inaugurada a finais do século XIX.
A Xerencia de Urbanismo do Concello de Vigo levará este martes na súa orde do día o informe de taxación dos seis edificios situados na Praza da Igrexa, fronte á Basílica de Santa María. O alcalde explicou que o goberno local chegará a acordos cos propietarios para a expropiación dos inmobles e o mantemento do negocio que sigue aberto na zona.
Abel Caballero recibiu este venres ao novo presidente do Porto, reunión “cordial” na que insistiu na negativa municipal a novos recheos. O rexedor ofreceu “diálogo” para un Plan de Usos “respectuoso” coas zonas de confluencia Porto-cidade e que “atenda ás necesidades” de ambas partes.
“Volvo urxir á Xunta de Galicia a que reúna inmediatamente ao padroado para que poidan debater sobre unha instalación deportiva que non está no proxecto” de ampliación, reiterou o alcalde este mércores sobre o anuncio de Núñez Feijóo dun módulo deportivo no recinto feiral.
Abel Caballero explicou este martes que o proxecto que a Xunta de Galicia está licitando para a ampliación do Ifevi non inclúe o módulo deportivo anunciado. O alcalde alertou de que a expropiación podería correr perigo ao realizarse en base a uns fins que agora poderían verse mudados.
Abel Caballero informou este martes do ditame técnico municipal sobre o proxecto de urbanización autonómico dos usos complementarios aos científico-tecnolóxicos na ETEA. Ademais de non reducir nun 30% os aparcamentos, o primeiro edil reclamou actividades de investigación e docencia.
O alcalde visitou este martes os traballos, aos que se dedican 112.000 euros e que se prolongarán durante dez días e 17 quilómetros de leito fluvial, para mellorar a capacidade do río, reducir os contaminantes e retirar elementos artificiais. O goberno de Vigo traballa tamén nun proxecto de iluminación e nas expropiacións para estender o paseo da Avenida de Madrid ata Manuel Álvarez.
Todos os e as edís apoiaron este luns a proposta do goberno de Vigo e o cambio do ámbito no Plan do Casco Vello foi aprobado definitivamente. Este emblema da arquitectura industrial viguesa será recuperado para o público polo Concello e a Zona Franca, “unha das grandes decisións deste mandato”, en palabras do alcalde.
O goberno local avanza na rehabilitación da fachada da Basílica aprobando o concurso de ideas que permitirá buscar a mellor solución para a reforma das seis edificacións existentes e transformalas nun edificio dotacional. O importe do proxecto é de 78.000 euros e o primeiro clasificado ademais de recibir 15.000 euros, redactará o proxecto básico e de execución.
Abel Caballero avanzou esta mañá que confía en que a Autoridade Portuaria “non cometa o inmenso erro” de aprobar o Plan de Espazos e Usos portuarios sen ter en conta a opinión da cidade. Con ese obxectivo, onte mesmo, o Concello enviou as súas alegacións ao documento entre as que destacou a total oposición do goberno local a calquera novo recheo na Ría ou a ampliación da proposta de cesión á cidade de espazos que levan anos destinados a usos non portuarios.