venres, 22 dec 2023
Abel Caballero valorou os datos de visitantes e pernoctacións do mes de novembro publicados polo INE e que sitúa o ano 2023 en Vigo, a falta dos datos do mes de decembro, como o mellor ano turístico desde que hai rexistros. O alcalde deu conta do crecemento nun 8% dos visitantes respecto ao mes de novembro do ano anterior. Deste xeito, Vigo segue a rexistrar o seu mellor datos de viaxeiros totais, nacionais e internacionais da serie histórica, non só no mes de novembro se non tamén no acumulado do ano. Para o rexedor "o Nadal significa a afluencia de tanta xente, coa creación de miles e miles de empregos e centos e centros de millóns de euros".
luns, 18 dec 2023
Abel Caballero expresou que o Nadal está a atraer a milleiros de turistas e visitantes e que "se están a bater todos os récords". O alcalde explicou que a ocupación hoteleira foi case do 100% e que moitos dos que se achegan a Vigo para visitar as luces de Nadal teñen que pernoctar noutras vilas como Pontevedra ou Ourense. Caballero valorou positivamente o bo funcionamento do dispositivo de tráfico para a recepción dos visitantes e certificou os cheos absolutos na hostalería e comercios. Tamén valorou positivamente o retorno social que está a ter o Nadal: "Os visitantes convértense en prescriptores do Nadal", manifestou.
mércores, 13 dec 2023
Abel Caballero mantivo unha xuntanza co sector hoteleiro, hostaleiro, comercial e de servizos no Nadal para valorar como está a funcionar o turismo e a recepción de visitantes á cidade. “Valoramos o bo funcionamento, cun Nadal excepcional no que o nivel de satisfacción dos turistas é evidente”, declarou o alcalde ao finalizar o encontro.
luns, 6 nov 2023
As visitas guiadas ao cemiterio de Pereiró retómanse a partir das 18,30 horas da tarde deste luns, despois da suspensión da actividade a pasada semana como consecuencia dos temporais.
xoves, 2 nov 2023
O goberno local decidiu aprazar as visitas teatralizadas ao cemiterio de Pereiró programadas para o venres 3 de novembro polo temporal e as alertas decretadas pola AEMET. O Concello avisará aos inscritos para este día. Está previsto que os roteiros dean comezo unha vez rematen as alertas amarela e laranxa que se están a anunciar estes días por vento e choiva.
xoves, 26 out 2023
As visitas comezan o próximo luns, 30 de outubro, e prolongaranse durante 21 xornadas con tres quendas por día ata unha oferta total de 1.950 prazas. As persoas interesadas en participar deben inscribirse a través do teléfono 010 desde este venres 27 de outubro.
xoves, 5 out 2023
Abel Caballero deu conta dos datos de ocupación do Aeroporto de Vigo que cifrou no 85%, converténdose así no segundo mellor mes do ano 2023. Barcelona segue a ser a ruta con máis asentos ocupados.
venres, 22 set 2023
O INE rexistra o maior número de turistas e pernoctas nun mes de agosto na cidade e o 2023 segue a ser o mellor arranque do ano da serie histórica.
martes, 19 set 2023
Para o alcalde o ano está a ser “excepcional” cunha cifra no período xaneiro-agosto de 759.863 pasaxeiros, un 9,92% máis que no 2019 e un 27,68% máis que o ano pasado.
martes, 5 set 2023
Máis de dúascentas persoas partiron desde a Estación Marítima este martes para coñecer o patrimonio natural e xeolóxico das Illas Cíes, no marco do programa organizado polo goberno municipal para as familias viguesas. O alcalde saudou á pasaxe e augurou que “vivirán un día completo” na illa con visita guiada, cun guía para cada 25 persoas, xincana e actividades para achegarse á riqueza do arquipélago. O Concello oferta 2000 prazas en nove barcos con viaxes nos meses de setembro e outubro.
