O alcalde enviou esta mañá unha mensaxe de tranquilidade sobre o abastecemento de auga en Vigo sinalando que este está garantido ata o mes de xaneiro. Segundo avanzou, a presa de Eiras está ao 61% e a de Zamáns ao 56%.
Caballero referiuse este mércores ao traballo elaborado pola organización de consumidores, que analiza a tarifa da auga nas 53 principais urbes e sitúa a Vigo entre as máis baratas. Ademais, o alcalde puxo en valor que, co prezo da conexión e do mantemento do servizo, se regalan trinta metros cúbicos de auga aos usuarios.
Abel Caballero comprometeuse a propoñer na Federación de Municipios e Provincias a necesidade de reorganizar os protocolos de extinción de incendios para que non dependan das competencias das administracións, senón da dotación e da proximidade dos distintos parques.
O alcalde anunciou que enviará a solicitude por carta ao presidente Feijóo para que poña en funcionamento "de forma inmediata" un aparcamento de balde nunha das dúas parcelas que a Xunta posúe na contorna do Hospital Álvaro Cunqueiro.
O alcalde anunciou este xoves reforzos no VITRASA e na limpeza o sábado e o domingo, fin de semana na que coinciden a Reconquista e o derbi. En limpeza, o goberno de Vigo aumenta a dotación de vehículos e operarios no casco vello e en Balaídos. No transporte, o C1 amplía horarios e frecuencias, e habilítase un servizo especial para conectar Navia e a Travesía co centro.
Abel Caballero reiterou hoxe martes o orgullo que sente a cidade ao contar cun corpo de Bombeiros como o de Vigo. Durante a tradicional exhibición organizada en San Rafael con motivo do día do patrón -San Juan de Dios- Caballero eloxiou o traballo e o compromiso destes profesionais cos que, a continuación, compartiu xantar nas instalacións de bombeiros de Teis. <br />
A Oficina Municipal de Información ao Consumidor, recibiu, no que vai de ano, máis de 5.000 consultas, 218 corresponderon a dudas e queixas sobre telefonía móbil. A concelleira de Medioambiente e Xuventude, Chus Lago, alertou dos perigos de non especificar nos contratos telefónicos o servizo de mensaxería Premium.
Abel Caballero anunciou este luns que, ao longo de 2013, o goberno local cambiará a nova tarificación do recibo da auga en Vigo, que hoxe en día "non se adapta nin ás necesidades de Vigo nin dos cidadáns", ao facelo por tramos. O Concello recibiu o estudo encargado á concesionaria e os técnicos valorarán agora o texto.
O concelleiro de Fomento, David Regades, presentou este mércores a nova sede electrónica da web municipal (sede.vigo.org), que aglutina e mellora o acceso á tramitación telemática do Concello e amplía o número de servizos dispoñibles, como por exemplo incluíndo o taboleiro de anuncios e edictos, ata agora só en formato físico. O edil valorou a "transparencia" que aporta o novo recurso aos expedientes municipais.
A concelleira de Servizos Xerais, Isaura Abelairas, presentou este xoves o seu plan de mellora do alumeado público, que conta con dous obxectivos principais: reducir a contaminación medioambiental e aforrar enerxía. Estas actuacións no alumeado público permitíu que, no último ano, se ampliaran nun 25% os puntos de luz incrementando únicamente un 2,5% o consumo.