O goberno de Vigo aprobou este venres o proxecto de ampliación e modernización da Estación de Tratamento de Auga Potable situada na rúa Cantabria, que elevará de 900 a 2.200 litros por segundo o seu volume de tratamento. O gasto correrá a cargo da concesionaria, co que non afectará ao recibo dos vigueses, segundo destacou o alcalde.
O Tribunal vén de ratificar a sentencia do Contencioso-administrativo nº1 de Vigo e desestima o recurso da Xunta, quen multara a Vigo por un suposto abandono no control sobre a concesionaria. Os maxistrados aseguran que o goberno de Vigo “puxo os medios para buscar solucións” e “non incorreu na infracción sancionada”. O alcalde pide responsabilidades políticas a Núñez Feijóo.
Nun acto celebrado este luns na estación Vialia, a presidenta de Adif, Isabel Pardo de Vera, explicou que o estudo hidroxeolóxico recolle a “idoneidade do trazado” do AVE polo que non se prevén contraindicacións do informe de impacto ambiental. Amais, o 2 de xullo o Ministerio abre as ofertas económicas para a redacción dos proxectos construtivos da saída sur de Vigo.
O Alcalde agradeceu os traballadores a sua labor nos areais de Vigo.
Do 15 de xuño ata o 1 de xullo e do 1 ao 15 de setembro darase servizo de luns a venres nas praias de Samil, O Vao, Fortiñón e Argazada en horario de 16 a 20 horas.
Vigo conta co Centro de emerxencia para mulleres vítimas da violencia de xénero, para toda Galicia, que financia o Concello con 241.000 euros. A Xunta de Goberno Local vén de aprobar a cesión temporal dunha vivenda da rede municipal de pisos de protección para mulleres vítimas da violencia de xénero.
O Tribunal Superior de Xustiza de Galicia vén de emitir sendas resolucións que rexeitan as pretensións de Redondela e Mos sobre a tarxeta PassVigo, dando a razón ao concello vigués. Para Abel Caballero, as sentencias son “moi satisfactorias” e reflicten as “razóns político partidarias” das denuncias.
O Pleno aprobou este mércores o proxecto de modificación da ordenanza para que o recibo sexa máis progresivo, en función do consumo, e fomentar o uso responsable da auga. O concelleiro de Facenda asegurou que o recibo baixará para a maioría das familias.
Vigo contará cun servizo exclusivo para atender a todas aquelas persoas que queiran empadroarse na cidade. Ante o aumento da demanda, o Concello decidiu abrir un punto físico dedicado tan só a estas solicitudes, mentres que as outras tres xanelas actuais atenderán os trámites de renovacións, modificación de datos persoais e cambios de residencia.
A Xunta de Goberno Local aprobou o expediente de contratación das obras de humanización dos espazos próximos á estación do AVE, á futura terminal de autobuses e ao centro comercial de Vialia e accesos. Os traballos inclúen actuar sobre as canalizacións e a renovación da superficie, segundo explicou Abel Caballero.