Ata o 3 de abril está aberta tamén a consulta pública da ordenanza reguladora para instalar ascensores na fachada de edificios xa construídos de uso residencial. A Xunta de Goberno aprobou o proxecto de mellora da seguridade viaria do Camiño Arrouba en Zamáns, cun orzamento base de licitación de 88.000 euros.
O Concello pecha ao tráfico a Porta do Sol para poder acometer o túnel que permitirá converter a zona nunha gran praza peonil. Para facilitar a mobilidade urbana, foi preciso adaptar 17 liñas de autobús urbano.
Desde este xoves haberá folletos informativos, páxina web e apps actualizadas, postes e marquesiñas cos novos cambios e teléfono de información entre as medidas para dar conta á cidadanía nos cambios nas liñas de transporte urbano.
Desde o vindeiro luns, 9 de marzo, ás 10:00 horas da mañá a Porta do Sol queda cortada á circulación de vehículos, polo que é preciso adecuar varias liñas do transporte urbano. Anúlanse 6 paradas e habilítanse nove paradas novas.
Abel Caballero agradeceu esta mañá á policía local María Jesús Antúnez que salvara a vida dun bebé que se estaba asfixiando e para o que a súa nai pedía axuda na tarde do xoves na rúa Pino. O alcalde eloxiou os reflexos e o bo facer desta axente recentemente incorporada ao corpo de seguridade municipal e que neses momentos estaba fóra de servizo.
Abel Caballero informou este xoves da aprobación do proxecto da sexta edición desta iniciativa, que inclúe dezaseis novos murais na cidade e a recuperación e consolidación dalgúns de anos anteriores. Sumados os realizados nos colexios, Vigo contará este ano con 133 obras nas súas rúas froito deste programa municipal.
O Concello vén de recibir unha sentenza que obriga a Vigo a pagar os autobuses dos non empadroados na cidade. A resolución xudicial baséase na Lei 2/2017, de 8 de febreiro, aprobada pola Xunta para obrigar aos vigueses a subvencionar os descontos no transporte urbano a cidadáns doutros municipios.
Abel Caballero participou este venres na Comisaría de Vigo-Redondela no acto de conmemoración do 196 aniversario da creación da Policía Nacional no que recibiron diplomas varios axentes que veñen de xubilarse a quen felicitou o rexedor. No seu discurso, Caballero recoñeceu o traballo que desenvolve o Corpo "desde a Lei e a Constitución como vertebrador das cidades" e puxo en valor a súa creación "como unha forma de entender a modernidade, a convivencia, as novas necesidades e valores" destacando a profesionalidade dos axentes da Policía Nacional.
Desde hoxe luns funciona o control de entrada de vehículos á zona vella mediante semáforo e recoñecemento de matrícula, en lugar dos pivotes. O sistema reduce os tempos de espera e elimina custos de mantemento e eventuais sinistros, polo que o goberno dirixido por Abel Caballero o estendera ao casco vello de Bouzas.
Máis de 10 litros de auga por metro cadrado en tan só 20 minutos provocaron este xoves numerosas incidencias en Vigo, ningunha de gravidade. "A cidade aguantou ben unha tromba de auga dunha magnitude considerable", asegurou o alcalde tras informar de que Bombeiros e Policía realizaron 75 intervencións.