As restricións no uso do transporte colectivo pola pandemia están a derivar en “enormes déficits” que poden chegar aos mil millóns en España, uns dez millóns no caso de Vigo, segundo estimou este xoves Abel Caballero. Vigo e as maiores urbes de España pediron ao ministro Ábalos un fondo para palialo.
Abel Caballero avanzou este xoves que o proceso de peonalización de rúas continuará este venres coa apertura aos cidadáns de diferentes zonas da cidade tamén en días laborais. O alcalde explicou que o Concello estudará o resultado desta nova medida para analizar o impacto.
Xunto aos responsables das quince maiores cidades de España, o alcalde e presidente da FEMP mantén unha reunión na tarde deste mércores co titular da carteira de Transportes. Se tratará do proceso de desescalada no transporte e Caballero trasladará o “custo multimillonario” que terá a práctica paralización do servizo.
“Precisamos máis espazo social” apunta o rexedor que informou de que o goberno municipal está traballando na planificación de zonas peonís tamén nos días laborables. O tráfico rodado quedará restrinxido entre as 8 da mañá e as 23 horas da noite
Protección Civil, Policía Local e Policía Nacional proseguiron hoxe co reparto de 30.000 máscaras na cidade, distribuídas hoxe e onte entre traballadores que utilizan o transporte público. Este material de protección procede do Goberno Central, que vén de entregar 120.000 unidades en Pontevedra.
Ante o bo funcionamento da medida o pasado domingo e o venres festivo anterior, 1 de maio, Abel Caballero anunciou este luns que se estuda levar a medida aos días laborables, ben retirando todo o tráfico, ben ampliando o espazo dispoñible para os peóns. Máis de trinta rúas xa son peonís en domingos e festivos.
Entre as 10 e as 20h, “un número moi importante” de vías da cidade serán peonís os domingos e festivos, para aumentar o espazo para as persoas e favorecer o mantemento das distancias. O Concello abriu tamén Castrelos, o Castro e os paseos de Bouzas, Samil e do Lagares. O alcalde insiste en pedir prudencia á cidadanía.
Onte domingo, primeira xornada con saídas controladas dos menores de 14 anos, a Policía Local non impuxo denuncia algunha a pais ou nais por incumprimento. O alcalde insistiu este luns en aconsellar “máis atención, precaución e cautela que antes” porque “a etapa máis complicada será a desescalada”.
Os 625 menús converten este xoves “no día na historia desta cidade no que se reparten máis comidas a familias que as necesitan”, segundo asegurou o alcalde. Ademais, onte mércores se concederon outras 41 axudas de emerxencia, “máis do que damos nunha semana” en condicións normais, anotou Caballero.
A pasada semana tivo lugar a primeira reunión do novo comité asesor cidadá constituído por Caballero para trazar en conxunto a recuperación social e económica en Vigo tras a crise do coronavirus. Este mércores continúa o traballo cunha videoconferencia cos representantes sindicais.