Desde hoxe luns funciona o control de entrada de vehículos á zona vella mediante semáforo e recoñecemento de matrícula, en lugar dos pivotes. O sistema reduce os tempos de espera e elimina custos de mantemento e eventuais sinistros, polo que o goberno dirixido por Abel Caballero o estendera ao casco vello de Bouzas.
Máis de 10 litros de auga por metro cadrado en tan só 20 minutos provocaron este xoves numerosas incidencias en Vigo, ningunha de gravidade. "A cidade aguantou ben unha tromba de auga dunha magnitude considerable", asegurou o alcalde tras informar de que Bombeiros e Policía realizaron 75 intervencións.
Un bombeiro resultou ferido a primeira hora do día cando traballaba na retirada dunha árbore que cortaba o tráfico en Fragoselo. Ademais, houbo que retirar un adorno e contedores desprazados.
Abel Caballero confirmou este luns que haberá cambios de tráfico a partir de mañá na Avenida da Gran Vía para reiniciar os traballos de instalación das ramplas mecánicas. As labores trasládanse agora á outra beira da rúa e a circulación será compartida nos carrís descendentes.
Segundo recordou Abel Caballero, Concello e Xunta acordaran en 2016 a posta en marcha dun autobús directo de Vigo a Peinador, cun pago autonómico de 260.000 euros por ano, pero nunca se puxo en marcha. Pola contra, a Xunta si abona 340.000 euros anuais polo servizo de Santiago a Lavacolla.
O rexedor lembrou a decisión de construír un novo parque de bombeiros en Bouzas cun orzamento de case 900.000 euros.
O alcalde estreou este luns unha nova ruta de transporte urbano entre a Praza de América e a Centro Santa Marta, en Alcabre, logo da petición das persoas maiores ingresadas na residencia para dispor dunha liña de autobús.
Abel Caballero e Carmela Silva inauguraron este mércores un novo tramo de carril-bici operativo, o que discorre entre a Praza Independencia e o cruce de Venezuela con Gran Vía. Deste xeito, avanza un proxecto que conta cun orzamento de 4,5 millóns, dos que 3,5 proceden de fondos da Deputación de Pontevedra.
Abel Caballero anunciou este martes a reordenación de tráfico na rúa Venezuela para mellorar a fluidez da circulación e a seguridade de peóns e bicicletas. As modificacións entrarán en vigor este mesmo mércores.
Abel Caballero visitou esta mañá as obras da nova estación de autobuses da cidade e agradeceulle ao presidente da Xunta a "cooperación" neste proxecto no que as administracións competentes, dixo, "estiveron á altura do que Vigo merece".