Abel Caballero recordou que este mércores, e ata o 15 de setembro, comeza o servizo municipal de salvamento e socorrismo na cidade, que este ano se presta en once areais, un máis que o pasado ano. Entre socorristas, efectivos de Protección Civil e axentes da Policía Local, aproximadamente cen traballadores velarán pola seguridade dos bañistas.
Abel Caballero explicou que este venres se pecha o prazo para solicitar ao Concello a organización das cacharelas na noite do 23 de xuño, rexistrando máis dunha vintena. O alcalde confiou na recuperación este ano da tradición festiva de San Xoan, logo da irrupción da pandemia.
As persoas, entidades e comunidades que desexen organizar cacharelas os días 23 e 24 de xuño teñen ata o vindeiro 10 de xuño para presentar a solicitude no rexistro municipal. O alcalde lembra que non se poderán facer nas praias.
Á espera do informe que emita a Policía Científica, logo da inspección realizada na mañá deste luns nas instalacións, o alcalde avanzou que a piscina permanecerá pechada “algún tempo” polo que se está reasignando aos usuarios.
Abel Caballero afirmou en rolda de prensa que Vigo “é unha cidade importantísima de primeiro nivel turístico” e saudou retomar as rutas no Bus Turístico desde xuño.
A Policía Local prosegue coas xornadas de educación viaria que imparte en centros de Primaria da cidade. Unha vez superada a pandemia, a previsión é achegar esta formación a uns 10.000 alumnos, igual que no ano 2019.
Todos os estudantes da edición de 2020 que solicitaron bolsa de inglés foron admitidos no programa municipal de inmersión lingüística, tal e como anunciou esta mañá o rexedor. Estes 767 alumnos terán cinco días a partir de mañá venres para formalizar a súa praza.
O Boletín Oficial da Provincia de Pontevedra publica hoxe a norma coa que o Concello “quere garantir o uso adecuado dos espazos públicos para toda a cidadanía, regulando o uso dos VMP, de forma que prime a seguridade viaria, que é de capital importancia”.
O alcalde avanzou que o Concello actuará sobre o talude que está apuntalado por risco de derrubamento entre a Avenida de Madrid e a rúa San Roque. Propiedade de Abanca, está prevista unha actuación municipal subsidiaria valorada en 109.403,49 euros dos que unha parte xa foi transferida pola entidade financeira ás arcas públicas.
O peche será entre as 22:30 e as 5:30 da mañá os días 11 e 12 de maio con motivo da proba de fume.