O alcalde transmitiu esta mañá o seu apoio aos traballadores do Nicolás Peña cos que mantivo esta mañá un encontro no que estes profesionais lle trasladaron a intención da Xunta de pechar todo o hospital -excepto a área de siquiatría- durante 15 días. Caballero amosou a súa absoluta disconformidade con esta decisión e así llo trasladará por carta a Alberto Núñez Feijóo.
Caballero avanzou hoxe xoves que un voceiro dos enfermos de hepatite C que precisan tratamento urxente terá voz no próximo Pleno de finais deste mes. Logo de manter un encontro con afectados, o rexedor reiterou todo o apoio do Concello á "súa xusta causa, que a causa da vida".
Tras unha reunión con médicos de urxencias do Meixoeiro, Abel Caballero indicou que a situación é "caótica e catastrófica" (con esperas nos pasillos de ata 9 horas), segundo afirman os propios facultativos, que están "preocupadísimos" pola "desatención da Xunta de Galicia". O rexedor reclama "con toda contundencia" que "Feijóo atenda ás urxencias e á sanidade desta cidade" e anuncia unha comparecencia do colectivo no próximo Pleno.
Os votos de PSOE e BNG permitiron aprobar unha moción socialista que solicita a construcción do centro de saúde de Bouzas e a paralización do desmantelamento do de Beiramar. O texto lembra que a Xunta dispón dos terreos para a construcción do centro de saúde desde 2008.
O alcalde de Vigo uniu hoxe a súa voz á dos familiares de nenos afactados por reuma nas súas críticas á Xunta por retirar a un dos dous especialistas en reumatoloxía pediátrica que atendían en Vigo. Esixiu á Xunta o inmediato nomeamento dun especialista acreditado pola Asociación Española de Reumatoloxía Pediátrica.
Abel Caballero remitirá un escrito á conselleira de Sanidade manifestando o seu rexeitamento á intención do SERGAS de trasladar o ambulatorio de Beiramar ao de Rosalía de Castro. Tras unha reunión hoxe xoves con médicos do centro, o alcalde indicou que a medida responde a motivos económicos e censurou o peche de infraestruturas na área de Galicia con "peor atención sanitaria".
O alcalde mantivo este mércores unha reunión con representantes das nove entidades beneficiarias deste proxecto, que incorpora neste 2014 unha terceira cadela a un programa que traballa con máis de 400 usuarios en función do seu grao de discapacidade. Caballero valorou a "gran acollida" da iniciativa por parte de familiares e profesionais.
Abel Caballero deu conta das obras que se acometeron ao longo deste ano nos cemiterios municipais. O montante destes traballos ascende aos 100.000 euros e inclúe melloras nos camposantos de Teis, Pereiró, Beade e Lavadores.
Actividade física, cursos de cociña saudable ou consellos sobre alimentación son algunhas das ofertas do Plan Saúde das que se poden disfrutar na praia de Samil. Tal e como explicou hoxe o rexedor durante unha visita ás distintas instalacións, estas actividades son gratuitas e non precisan inscripción previa.
O alcalde de Vigo, Abel Caballero, explicou este xoves que a Oficina Municipal de Información ao Consumidor (OMIC), localizada no segundo andar do Concello, ofrece desde hai dúas semanas información e apoio aos afectados por cláusula solo na hipoteca.