xoves, 1 mar 2018
O alcalde de Vigo achegouse esta mañá ao Auditorio Mar de Vigo onde preto de 400 escolares de distintos centros da cidade participaban nun programa de actividades sobre nutrición saudable. En colaboración con Eroski, o Concello apoia este tipo de obradoiros que teñen por obxectivo fomentar a alimentación equilibrada entre os máis novos. <br />
luns, 26 feb 2018
Abel Caballero reuniuse este luns co persoal do centro médico vigués Álvaro Cunqueiro para coñecer a situación na que se atopan. Os traballadores trasladáronlle ao alcalde as carencias de persoal, material e medios para poder desempeñar a súa labor diaria. Ademais, relataron os desprazamentos que deben facer no interior do hospital para trasladar aos pacientes.
mércores, 15 nov 2017
Abel Caballero instou esta mañá á Xunta a construír o centro de saúde de Bouzas para o que o Concello cedeu un edificio e un solar hai xa nove anos. Na súa opinión, é unha tomadura de pelo para os veciños que o goberno autonómico anuncie agora un estudo das necesidades en lugar de iniciar xa as obras.
luns, 2 out 2017
O alcalde mantivo esta mañá un encontro cun grupo de profesionais do Álvaro Cunqueiro que están a organizar en Vigo as XVIII Xornadas nacionais de celadores. O rexedor trasladoulles o apoio municipal na posta en marcha dun evento que congregará o próximo mes de maio na cidade a máis de 200 traballadores sanitarios procedentes de toda España.
xoves, 31 ago 2017
Segundo sinalou o rexedor, os únicos centros de referencia de Galicia están en Santiago e A Coruña polo que demanda da Xunta máis recursos para formación e capacitación especializada na cidade.
xoves, 24 ago 2017
Caballero explicou que os encoros de Zamáns e Eiras se atopan ao 75% da súa capacidade, o que garante o abastecemento da poboación ata decembro. Con todo, o alcalde recomendou á cidadanía un consumo responsable e anunciou o corte de auga en fontes de uso continuo e a optimización dos baldeos.
martes, 22 nov 2016
150 alumnos de Primaria aprenderán sobre pautas de alimentación saúdable nos obradoiros organizados polo Concello no Mercado de Progreso. Dan man dunha cociñeira, os escolares aprenderán a distinguir os alimentos e a elaborar un par de receitas saudables.
luns, 16 mai 2016
Abel Caballero anunciou o envío dun escrito a todos os partidos que se presenten ás eleccións autonómicas para que introduzan nos seus programas a reversión ao público do hospital de Beade-Valadares no primeiro ano de mandato, "goberne quen goberne" na Xunta de Galicia.
mércores, 9 mar 2016
O encontro mantido entre o alcalde de Vigo e representantes da Plataforma SOS Sanidade Pública serviu para ratificar a posición común de solicitar que nas instalacións se compatibilicen atención sanitaria e de xustiza.
mércores, 2 mar 2016
Caballero anunciou este mércores reunións coa Asociación de Veciños e cos comerciantes do Calvario tras amosar estes a súa "enorme preocupación, que eu comparto, polo peche do Centro de Especialidades da Doblada". O rexedor alertou de que "a atención sanitaria na proximidade está a ser reducida".