xoves, 6 out 2011
O alcalde de Vigo, Abel Caballero, e a primeira tenente de alcalde e concelleira de Cascos Históricos, Carmela Silva, participaron este xoves na presentación da sexta edición do Concurso de Tapas VigoVello, que celebrarase desde mañá 7 ata o 29 de outubro en 27 locais da zona antiga viguesa, a un prezo de 1,5€. Entre os participantes sortearanse tres cheques regalo por valor de 200 euros.
luns, 1 ago 2011
A primeira tenente de alcalde e concelleira de Patrimonio Histórico, Carmela Silva, explicou hoxe luns que a Pinacoteca pechou este mes de agosto para atender "pequenas obras de calado menor pendentes". A edil indicou que foron os técnicos municipais os que avogaron por acometer estas obras de mellora vinculadas á posta en funcionamento do museo porque "é nestes momentos cando se detectan as pequenas carencias nos edificios"
venres, 22 xul 2011
O alcalde de Vigo, Abel Caballero, anunciou hoxe venres o compromiso do Goberno de rehabilitar a fachada do Berbés, continuando cos traballos de conservación desenvolvidos desde a Oficiña de Rehabilitación da Xerencia de Urbanismo e que desde hoxe poden contemplarse nunha exposición situada en dependencias municipais. Segundo relatou o rexedor, na última década investíronse máis de 17 millóns de euros nunhas 700 actuacións na cidade de Vigo.
martes, 12 xul 2011
Coa chegada da época estival, FEIRA, o mercado de produtos tradicionais e ecolóxicos organizado polo Centro de Artesanía Tradicional do Concello de Vigo, cambia as súas datas de celebración, adaptándose ás novas esixencias climáticas e aos costumes estivais da cidade. Os sábados 16 de xullo e o 13 de agosto, son os días elixidos para desenvolver unha nova proposta de mercado para estes meses ampliando a súa oferta ás tardes.
mércores, 29 xuñ 2011
En xullo e agosto o Centro de Artesanía Tradicional do Concello de Vigo desenvolverá unha oferta gratuíta baseada na artesanía e o reciclaxe para todos os públicos.Os obradoiros están orientados tanto para adultos como para os máis novos/as, facendo especial fincapé nestes últimos, coa finalidade de que aproveiten estas vacacións para achegarse dunha maneira amena e divertida ao mundo da artesanía tradicional.
venres, 3 xuñ 2011
A conmemoración o 5 de xuño do Día Mundial do Medio Ambiente terá o seu espazo na feira tradicional do Paseo de Alfonso que organiza a Concellería de Patrimonio Histórico. Neste sentido, o concelleiro en funcións, Eudosio Álvarez anuncia que o vindeiro domingo, as actividades paralelas consistirán en dous obradoiros sostibles que se desenvolverán ao longo de toda a mañá, así como dúas charlas sobre consumo responsable e o réxime de cooperativas.
venres, 20 mai 2011
O concelleiro de Patrimonio Histórico, Eudosio Álvarez, animou aos cidadáns e cidadás a participar mañá na ruta "Vigo: a descoberta da historia", que partirá ás 11 horas dende a Colexiata, en pleno Casco Vello. Esta proposta, "O século XIX, o nacemento da cidade" fará un percorrido polos espazos máis representativos da cidade do século XIX e e primeira metade do século XX.
luns, 16 mai 2011
O concelleiro de Patrimonio Histórico, Eudosio Álvarez, anunciou hoxe que o Museo da Cidade Quiñones de León acollerá o mércores, 18 de maio, diversas propostas para conmemorar o Día Internacional dos Museos. O nacionalista convida á cidadanía a participar nas visitas guiadas ao pazo, que terán lugar ás 17 e ás 18.30 horas baixo o nome "O museo da memoria", e na actividade "Te ao solpor no xardín de Castrelos", que se celebrará ás 20.30 horas.
luns, 16 mai 2011
O concelleiro de Patrimonio Histórico, Eudosio Álvarez, anunciou hoxe que o vindeiro martes, 17 de maio, celebrarase un roteiro etnográfico e arqueolóxico na parroquia de Saiáns. O percorrido terá lugar de 11 a 14 horas dende o parque forestal de Saians e a visita guiada correrá a cargo do arqueólogo Eduardo Velázquez. Este roteiro súmase aos creados en Candeán e Zamáns, e segundo o concelleiro nacionalista, con esta iniciativa quérese dar e coñecer e poñer en valor o rico patrimonio vigués, "favorecendo que se convertan nun recurso que reforce o valor cultural e identitario das parroquias".
xoves, 5 mai 2011
O sábado 7 de maio terá lugar a segunda das rutas do programa da concellería de Patrimonio Histórico, "Vigo: a descoberta da historia", que integra catro rutas que se celebrarán en sábados alternativos.Tras saír ás 11 horas dende a Colexiata, terá paradas nas prazas da Constitución e da Princesa, a rúa Imperial, as Portas da Gamboa e Laxe, o hotel Universal, o monumento a Elduayen, a Praza de Compostela, Policarpo Sanz e a Porta do Sol.<br />
