Abel Caballero amosou o seu "agrado" por cooperar desde o Concello "cun xeito de dinamizar a cultura na cidade" a través do ciclo de concertos do Orfeón Mariñeiro do Berbés. Dúas das actucións serán en outubro, o 10 e o 27 e a terceira, o 30 de novembro.
Vigo conta cunha importante riqueza etnográfica, entre a que destacan os muíños de Gontade, tal e como asegurou durante unha visita á parcela municipal na que están ubicados. O mantemento destas infrestruturas supoñen uns 25.000 euros ás arcas municipais e o rexedor apostou hoxe venres pola posta en valor destas estruturas produtivas.
O alcalde rubricou este venres o acordo coa Asociación Vigo Vello e a Sociedade Galega de Difusión e Conservación do Patrimonio para a realización, ata o 31 de decembro, dos mercadiños dos sábados no Casco Vello.
Esta mostra conta con tres módulos expositivos e estará situada na Alameda Suárez Llanos de Bouzas por un periodo aproximado dun mes. Visitada este venres polo alcalde de Vigo, a exposición amosa a rehabilitación e urbanización das zonas históricas da cidade, singularmente a da antiga vila de Bouzas.
Abel Caballero felicitou hoxe martes ás autoras do Percorrido Sensorial do Xardín Histórico de Castrelos, ao ser recoñecido entre os quince finalistas da XII Bienal Española de Arquitectura. Este proxecto, concebido para facilitar as visitas aos invidentes, foi elexido xunto a outros 14, entre 587 propostas.
O Concello de Vigo xa ten as chaves do Pazo Raposeira que, pasa deste xeito, a ser patrimonio municipal. O alcalde apuntou en rolda de prensa que esta edificación data do século XVII e está ubicado en San Pedro de Sárdoma.
Segundo informou Abel Caballero, a Xunta de Goberno Local acordou este venres aprobar o expediente de contratación das obras de derrubamento do edificio do antigo Restaurante El Castillo, polo que autoriza un gasto de 240.000 euros. O obxectivo do Concello é liberar e revalorizar a muralla do Castro.
O goberno local declarou este venres a urxencia na tramitación do expediente de contratación dos traballos para rehabilitar o chalé como centro de recepeción de visitantes ao xacemento arqueolóxico de Toralla. O Concello agarda ao tempo o ditame da Xunta de Galicia sobre os restos romanos alí atopados.
O alcalde indicou este martes que seis catas arqueolóxicas -acometidas previo á construción dun centro de interpretación da vila romana de Toralla- revelaron restos "de certa importancia" que o Concello quere descubrir e pór en valor, en "cooperación" coa Xunta de Galicia. A aparición obriga ao replantexamento do centro de interpretación previsto.
O alcalde informou hoxe venres da decisión municipal de aprobar o proxecto para derrubar o antigo restaurante "El Castillo", no Monte do Castro, para liberar e revalorizar a fortaleza. No exterior, o Concello procederá ao axardinamento dos espazos hoxe ocupados polo establecemento de hostalería.