Carmela Silva informou este mércores da adxudicación provisional da segunda fase das obras do Centro Galego de Fotografía que, unha vez rematadas, permitirá a instalación do mobiliario e equipos para a súa posta en funcionamento. Ata o momento, o investimento nesta infraestrutura cultural roza os 1,5 millóns.
O alcalde anunciou hoxe venres a aparición de "importantísimos xacementos arqueolóxicos" atopados xunto á finca romana de Mirambel, en Canido, un novo asentamento que "constata a teoría de que Vigo foi unha importante vila romana". O Concello elaborará planos dos novos restos e acometerá as excavacións cando rematen as obras en Mirambel e mellore a situación económica.
O alcalde avanzou hoxe xoves que a próxima celebración da Festa da Reconquista alongarase ata os tres días. Dado que o día 28 de marzo cadra en venres, Concello e organización acordaron esta mañá ampliar os actos festivos ata o domingo.
Vigo conta desde hoxe cun Paseo do Matemático Rufo Pérez, na baixada ao Pontillón, en honor ao profesor que formou a miles de vigueses nas aulas do Santa Irene. Caballero resaltou que este nomeamento é un recoñecemento a un profesional comprometido coa docencia e a democracia en anos de dura represión social e política.
Así o explicou este venres o alcalde, Abel Caballero, no transcurso dunha visita á obra de rehabilitación do antigo chalé de Mirambel. O futuro Centro de Recepción de Visitantes, cun orzamento de 661.000 euros, amosará a historia da vila romana nun recinto integrado no entorno.
Tras o ditame favorable dos arqueólogos, o goberno local estima a licitación desta obra para finais deste ano e o inicio da mesma en febreiro ou marzo. As escaleiras mecánicas da rúa Segunda República conectarán a Porta do Sol con Abeleira Menéndez, cun orzamento superior ao millón de euros.
Abel Caballero inspeccionou o inicio dos traballos de demolición do antigo restaurante El Castillo e avanzou que o paseo que circunvalará toda a muralla do Castro estará rematado o ano que ven. O rexedor estivo acompañado da tenente de alcalde, Carmela Silva, ademais dos concelleiros de Fomento e Parques e Xardíns, David Regades e Angel Rivas, respectivamente.
Abel Caballero amosou o seu "agrado" por cooperar desde o Concello "cun xeito de dinamizar a cultura na cidade" a través do ciclo de concertos do Orfeón Mariñeiro do Berbés. Dúas das actucións serán en outubro, o 10 e o 27 e a terceira, o 30 de novembro.
Vigo conta cunha importante riqueza etnográfica, entre a que destacan os muíños de Gontade, tal e como asegurou durante unha visita á parcela municipal na que están ubicados. O mantemento destas infrestruturas supoñen uns 25.000 euros ás arcas municipais e o rexedor apostou hoxe venres pola posta en valor destas estruturas produtivas.
O alcalde rubricou este venres o acordo coa Asociación Vigo Vello e a Sociedade Galega de Difusión e Conservación do Patrimonio para a realización, ata o 31 de decembro, dos mercadiños dos sábados no Casco Vello.