mércores, 14 dec 2011
A concelleira de Igualdade presentou este mércores o fallo do xurado ao concurso de fotografía dixital e microvídeos 25-N, en conmemoración do día contra a violencia de xénero. Lago explicou que primou na decisión a "orixinalidade" e "capacidade" de sintetizar a mesaxe contra a violencia machista nun filme de 3 minutos e nunha imaxe. Gloria Mª Fuentes obtivo o primeiro premio en fotografía e Miriam Rodríguez nos microvídeos.
xoves, 1 dec 2011
O Colectivo Violeta inaugura a VII Exposición de Mulleres Fotógrafas o venres día 2 de decembro ás 20 horas na Casa das Mulleres (Rúa Romil nº 20-baixo). A exposición estará aberta todo o mes de decembro en horario de 17,30 h a 21,30h,de luns a venres.
martes, 29 nov 2011
A Concellería de Igualdade programa este mércores, 30 de novembro, ás 18.30h na Casa das Mulleres o relatorio do Ciclo "MULLER E SAÚDE INTEGRAL II": "Como afrontar a diagnose dunha enfermidade non común", no que colabora a Asociación española contra a Leucodistrofia (Ela-España) e a Asociación galega contra as enfermidades Neuromusculares (ASEM-Galicia).<br />
<br />
<br />
martes, 29 nov 2011
A profesora da Universidade de Vigo Susana Cruces comentará o libro " La biblia envenenada" de Bárbara Kingsolver durante a sesión dos "Cafés Literarios" que terá lugar o mércores 30 de novembro de 18:00 a 20:00 horas no Centro de Documentación da rúa Joaquín Yáñez 6,2º andar. O club de lectura do Centro de Documentación e Recursos Feministas está formado por un grupo de persoas animadas polo gusto á lectura.
luns, 28 nov 2011
O martes, 29 de novembro ás 19.00 horas, o Centro de Documentación e Recursos Feministas acolle a presentación do libro "Hacia una nueva política sexual: las mujeres ante la reacción patriarcal" por parte da autora do libro, Rosa Cobo e da escritora Mª Xosé Queizán
venres, 25 nov 2011
O Concello de Vigo e o Consello Municipal da Muller impulsaron hoxe venres, 25 de novembro, a iniciativa Enlaza Vigo, pola que unha gran cadea humana de 5.000 persoas partiu do MARCO ata a Praza da Independencia co gallo do Día Internacional da Violencia de Xénero. O alcalde, Abel Caballero, avogou por unha sociedade que sexa "un clamor para que nunca máis a violencia de xénero pase sen berros en contra, sen clamores en contra e sen penas para os agresores", erguendo a "bandeira da liberdade e da igualdade".
mércores, 23 nov 2011
O próximo venres, 25 de novembro, ás 11 horas e con motivo da conmemoración do Día Internacional contra a Violencia de Xénero, convócase unha cadea humana co nome "Enlaza Vigo".<br />
Toda a información en www.enlazavigo.com
venres, 18 nov 2011
Ata o domingo 20 de novembro está aberto o prazo de adminisión de traballos do concurso de fotografía dixital e microvideos que convoca o o Consello Municipal da Muller e maila Concellería de Igualdade do Concello de Vigo, con motivo da celebración do Día Internacional contra a violencia de xénero-2011, que se conmemora o día 25 de novembro, co fin de fomentar unha maior implicación e concienciación cidadá en contra da violencia que se exerce sobre as mulleres.
venres, 18 nov 2011
A Concellería de Igualdade e o Consello Municipal da Muller organizan durante o este mes no VERBUM un ciclo de cine infantil, co gallo da conmemoración do 25 de novembro, Día Internacional contra a violencia de xénero. Ás proxeccións terań lugar os domingos:20 e 27 de novembro ás 17,30 h. con entrada libre ata completar o aforo do local.
mércores, 16 nov 2011
O Centro de Documentación e Recursos Feministas acolle o xoves 17 de novembro ás 18.0 horas a proxección do filme "La Caja" de Juan Carlos Falcón. O acto está organizado pola Rede de Mulleres Veciñais contra os malos tratos e colabora a Concellería de Igualdade.
