martes, 28 nov 2023
O goberno local ofrece un curso de iniciación á poda de árbores o 2 de decembro en VigoZoo. Esta formación ten un aforo de 20 persoas e as persoas interesadas deberán inscribirse na taquilla de VigoZoo ou no número de teléfono 986 267 783. O curso ten unha duración de tres horas, onde o alumnado aprenderá cando é necesario ou non podar unha árbore ou arbusto, así como coñecer como se realizan os cortes para o correcto peche das feridas de poda e evitar a entrada de patóxenos. O curso inclúe formación práctica.
xoves, 2 nov 2023
O goberno local decidiu aprazar as visitas teatralizadas ao cemiterio de Pereiró programadas para o venres 3 de novembro polo temporal e as alertas decretadas pola AEMET. O Concello avisará aos inscritos para este día. Está previsto que os roteiros dean comezo unha vez rematen as alertas amarela e laranxa que se están a anunciar estes días por vento e choiva.
martes, 31 out 2023
O alcalde avanzou este martes o contido das exposicións que poderán verse estes días nos camposantos municipais, que abren as súas portas con horario ininterrompido de 9 a 18:30 horas da tarde.
luns, 23 out 2023
Con motivo da festividade de Todos os Santos, o Concello fixa un horario ininterrompido desde o 29 de outubro ata o 1 de novembro.
mércores, 4 out 2023
Abel Caballero e os tenentes de alcaldía, Carmela Silva e Javier Pardo, colocaron este mércores a primeira pedra das obras de arranque da mellora integral do parque Nelson Mandela de Navia. Conta cun investimento de 1,5 millóns de euros.
luns, 2 out 2023
Abel Caballero e as concelleiras Patricia Rodríguez e Nuria Rodríguez presentaron este luns a campaña de concienciación cidadá “Adóptame en Vigo” para promover a adopción responsable de cans e gatos, e dar visibilidade ao problema do abandono animal.
xoves, 28 set 2023
A edición de outono do programa medioambiental Camiño a Camiño comezará o próximo 8 de outubro con oito rutas por espazos naturais do termo municipal e co fin de impulsar o ocio saudable na cidade.
xoves, 21 set 2023
O alcalde asegurou que a cidade quere ser sostible e que o goberno traballa para facer de Vigo unha mostra permanente das políticas en favor do medio ambiente, con proxectos como "Vigo Vertical", con emisións cero, ou a reciclaxe de todos os residuos
mércores, 9 ago 2023
Abel Caballero explicou hoxe que "os socorristas estarán dende as 11:00 da mañá, unha hora antes do habitual" debido a elevada afluencia que terá O Marisquiño en Samil. Ademais dende o venres a praia de Samil contará con 2 enfermeiras, dispositivo habitual só para as fins de semana. O rexedor sinalou que é unha medida máis "que realizamos dende o Concello para que a celebración do Marisquiño sexa un éxito".
martes, 8 ago 2023
O Nadal de Vigo da un paso máis e, tal e como declarou o alcalde, a delegación conformada polos edís responsables do evento servirá “para que medre o Nadal en toda a cidade e minimizar efectos colaterais que poidan xerar algunha dificultade”.
