O Concello de Vigo está a desenvolver a súa Axenda 21 Local, que é unha acción pública con base na participación cidadá, que persegue un desenvolvemento sustentable. Por este motivo , o mércores 28 de abril, terá lugar reunión do Foro da Sustentabilidade de Vigo, que se desenvolverá entre as 17:00 e as 21:00 horas no Auditorio do Recinto Feiral de Cotogrande.
O Concelleiro de Medio Ambiente, José Manuel Figueroa, presentou a Axenda 21 Local coa que o goberno municipal inicia un proceso de diálogo cos seus cidadáns, organizacións locais e empresas privadas co fin de aprobar un programa de accións encamiñadas a mellorar a sostenibilidade do seu modelo de desenvolvemento. A Axenda 21 Local, promovida no marco do Eixo Atlántico do Noroeste Peninsular, supón un novo instrumento na Estratexia Global de Calidade Urbana desta organización.
O Concello de Vigo, a través da concellería de Medio Ambiente, activou, xunto coa Asociación Española de Recolledores de Pilas e Acumuladores, o sistema eco-pil especializado na recollida selectiva de pilas , complementando así os sistemas actuais.O concelleiro de Medio Ambiente, José Manuel Figueroa, destacou que coa instalacións deste sistema perséguese infundir valores orientados ao respeto e a conservación do medio ambiente.
O Goberno concluiu hoxe unha serie de actuacións urxentes que solucionarán de xeito definitivo os problemas de funcionamento que provocan cheiros na estación depuradora viguesa.
A concelleira de Medio Ambiente, María Xosé Porteiro, presentou hoxe a posta en marcha da auditoría coa que se detectarán os problemas que puidera presentar a Estación Depuradora de Augas Residuais Lagares. Acompañada por un representante da empresa auditora, Novotec, a concelleira explicou que a previsión é que a finais de ano o Concello poida ter os resultados deste informe.
"Panleucopenia felina" é o diagnóstico do informe anatomopatolóxico realizado á cría de lince que falecía a semana pasada no zoolóxico. O informe presentou esta mañá o xerente do parque ós membros do consello de administración do Organismo Autónomo Municipal Parque das Ciencias Vigozoo.
A cría do lince que desde fai sete meses formaba parte dos habitantes de Vigozoo faleceu na tarde de onte xoves. O corpo de Gobi, que así foi bautizado, foi trasladado ao Hospital Clínico Veterinario de Lugo, onde se lle practicará unha necropsia.
A concelleira de Medio Ambiente; María Xosé Porteiro, ven de presentar a posta en marcha de aulas de medio ambiente que se organizan conxuntamente coa Federación de Asociacións de Veciños. O obxectivo é facer un traballo de campo polas distintas parroquias de Vigo, a partir das asociacións veciñais, no que se estudie a flora, fauna, paisaxe, clima e etnografía de cada territorio.
A Concellería de Medio Ambiente organiza uns actos co nome Semana Azul cos que finaliza a tempada de praias e mediante os que se quere agradecer e recoñecer todas as accións dirixidas a preservación do medio, ben sexa, dunha forma individual e anónima, ou mediante colectivos (representados polas agrupacións, asociacións, voluntarios ou escolares).
O Laboratorio municipal analizou a última mostraxe realizada na praia de Mende, en Teis, e os datos demostran que mellorou de xeito considerable xa que obtivo a cualificación de aceptable. O Concello xa retirou o panel informativo que recomendaba non bañarse nesa praia causado polo crecemento bacteriolóxico.