Segundo informou Caballero, a Xunta de Goberno Local realizou a clasificación de ofertas para traballos de mellora en 22 rúas da cidade, por importe total de 1.768.000 euros. O alcalde reiterou que "continuamos coas humanizacións masivas na cidade de Vigo, que non se van deter".
O Concello vai investir maís de 200.000 euros na reparación do firme de pedra en once rúas do centro da cidade. Os traballos arrancaron onte en Elduayen, "nunha zona moi castigada polo tráfico", proseguerán o luns en Reconquista e iránse realizando paulatinamente coa previsión de que estea todas rematadas en novembro.
O alcalde de Vigo cifrou hoxe en maís de 50 os operarios municipais que atenden a reparación de viais na ciade. Unha das nove brigadas nas que se dividen estes profesionais está nestes momentos arranxando as beirarrúas de Pablo Iglesias, logo de que os árbores levantaran as baldosas de grande parte da rúa.
Caballero anunciou este venres a aprobación dos expedientes de contratación das obras de humanización da Avenida de Castrelos, entre Avenida Portanet e Clara Campoamor, e de Rosalía de Castro, no tramo desde República Arxentina ata Canceleiro. O goberno de Vigo tamén licitou a humanización de Ramón Nieto, fronte ao mercado de Cabral.
O goberno local ven de aprobar o proxecto, por importe de 630.000 euros, para dispoñer dun ascensor inclinado en Juan Ramón Jiménez que salve os 20 metros de altura entre Menéndez Pelayo e a Avenida das Camelias. O alcalde tamén informou das aprobacións de proxectos de humanización en Gregorio Espino, Gerona e Aragón, cun orzamento superior ao millón de euros.
A Xunta de Goberno Local aprobou o proxecto de renovación das canalizacións de saneamento das rúas Mestre Chané e Montecelo Alto. A mellora suporá a substitución da rede soterrada de servizos, en mal estado, e acometerase aproveitando a obra que executa ADIF nestes viais, co obxectivo de minimizar as molestias aos veciños.
O Concello de Vigo presentouse a europeo Premio Cidade Accesible e ao nacional Raíña Sofía de accesibilidade cun proxecto integral e transversal de obras, iniciado en 2008, cun valor superior aos 155 millóns, que supuxeron melloras na accesibilidade de máis de 500 rúas da cidade. O edil de Fomento, David Regades, salientou a "aposta" do goberno local por un Vigo "sen barreiras".
O rexedor reiterou hoxe mércores a petición do Concello ao Ministerio de Fomento de que lle transfira a Avenida de Madrid con partida orzamentaria, tal e como determina a norma. En todo caso, e se a resposta fora negativa, o alcalde insta á ministra Ana Pastor, a través dunha carta, que como titular do vial adecente esta importante entrada a Vigo.
O Concello de Vigo adicará 4.140.000 euros a obras de humanización nas parroquias, unha cifra que supón que "só en 2014 e os primeiros meses de 2015 investiránse máis recursos no rural que nos últimos vinte anos". Así o avanzou o rexedor durante unha visita ao Camiño Pedreira, en San Andrés de Comesaña, para coñecer o estado da primeira fase dos traballos que se están a acometer na zona.
O alcalde avanzou esta mañá un investimento de 800.000 euros no asfaltado de catro zonas da "maior importancia" na cidade: rúa Pizarro, laterais da Avenida de Madrid e os túneis de Praza España e Martínez Garrido. Estas accións súmanse ao máis dun millón de euros que o Concello adicou este verán a asfaltar máis de 200 rúas no casco urbán e nas parroquias. <br />