venres, 17 xuñ 2005
35 traxes e 3 agrupacións, formadas por máis de 10 compoñentes, presentaranse á sexta edición do "Ensalzamento do traxe galego" que organiza a concellaría de Festas e Animación Sociocultural, en colaboración con El Corte Inglés e a Escola Municipal de Danza, e que terá lugar o sábado 18, a partir das 21 horas, na praza do Berbés.
xoves, 16 xuñ 2005
O Concello, a través das Concellerías de Festas e Animación Sociocultural e de Participación Cidadá, achegará 27.286 euros á Federación de Peñas Recreativas "El Olivo" para o desenvolvemento de actividades socioculturais durante 2005.
luns, 13 xuñ 2005
As entradas para asistir ó concerto que ofrecerán o día 2 de xullo no Auditorio do Parque de Castrelos "Hombres G y El Canto del Loco" xa están á venda. O concerto está incluido na programación das Festas do Cristo que organiza a concellería de Festas e Animación Sociocultural.
venres, 10 xuñ 2005
Daniel de Castro Pedrouzo é o gañador do concurso de carteis que anunciará as Festas do Cristo da Victoria. O xurado reunido na mañá do xoves revisou un total de 29 traballos presentado para esta edición.
A actuación contará con 200.000 vatios de luz e 30.000 de son
luns, 6 xuñ 2005
O artista británico Elvis Costello, que este xoves actúa no Pavillón das Travesas de Vigo, no seu único concerto en Galicia, trae á cidade un espectacular concerto. Sobre un escenario que supera os 250 metros cadrados de superficie, haberá 200.000 vatios de luz e 30.000 vatios de son para a presentación do disco "The Delivery Man". O concerto está patrocinado pola Concellería de Festas.
xoves, 2 xuñ 2005
O Día da Muiñeira reunirá o domingo 5 de xuño na rúa Venezuela preto de 2.600 persoas, que bailarán e tocarán seguindo este ritmo característico do noso folclore. Este evento é un anticipo do Ensalzamento e da Mostra do Traxe Galego.
mércores, 1 xuñ 2005
A Feira pretende converterse no gran mercado náutico do noroeste peninsular, con máis de 2.000 metros de exposición de barcos e complementos. Estará en Vigo entre o 2 e o 5 de xuño e contará con multitude de actividades paralelas para o entretemento dos asistentes.
mércores, 25 mai 2005
O sábado 28 na avenida de Castelao e na praza do Emigrante terán lugar os dous eventos festivos mais importantes para a mocidade de Coia: O Día d@ Moz@ e Rockoia. O primeiro comeza ás 10 da mañá e remata sobre ás 20 horas, xusto cando da comezo o festival de rock que durará ata a unha da madrugada.