Como actividade previa ao Entroido, o xoves 23 na praza da Constitución , a partir das 19 horas terá lugar as actuacións dos grupos que participan no concurso de coplas, evento que se recuperou no 2005 despois de máis de vinte anos de ausencia.
Con máis días, máis actividades e máis orzamento. Así vén o Entroido 2006, segundo afirmou hoxe venres o concelleiro de Festas, Ignacio López-Chaves. A celebración, precedida polo concurso de coplas do xoves 23 de febreiro, prolongarase ata o 1 de marzo, día do tradicional enterro do Meco.
A concellería de Festas e Animación Sociocultural do Concello de Vigo convoca o tradicional concurso de comparsas que se realizará dentro do programa de actividades e espectáculos do Entroido 2006. Neste concurso poderán inscribirse todas aquelas comparsas integradas por un mínimo de 20 persoas.
Alfredo Palau García é o gañador do concurso de Carteis do Entroido de 2006 cun traballo titulado "Máscara" e que o Concello utilizará de soporte gráfico para anunciar o carnaval que este ano se celebra do 24 de febreiro ao 1 de marzo.
Melchor, Gaspar e Baltasar serán recibidos hoxe xoves pola alcaldesa, Corina Porro, ás 17:30 na Porta do Sol, xunto á escultura do Sireno, onde a alcaldesa lerá o seu discurso de benvida. Antes, a nena de oito anos Catalina Fontón será a primeira en dirixirse aos reis lendo unha carta redactada por ela mesma.
Os reis magos de Oriente xa están en Vigo. Despois das pertinentes visitas ao longo da mañá de hoxe xoves, e do recibimento da tarde na Porta do Sol, a Cabalgata partirá ás 18:15 do nó de Isaac Peral.
Pasada a Noitevella, Vigo prepárase para a última das grandes celebracións do Nadal: a Cabalgata de Reis. O concelleiro de Festas, Ignacio López-Chaves, anunciou hoxe o percorrido que farán Melchor, Gaspar e Baltasar, ademais das características da comitiva que os acompañará o próximo xoves 5.
A Concellaría de Festas e Animación Sociocultural continúa a desenvolver durante estes días a súa programación de Nadal, con actividades como a Cabalgata de Reis, as visitas do Carteiro Real e actuacións do pallaso Popín nos barrios.
O venres, día 30, estarán a disposición do público as invitacións para asistir ao XXV concurso de Rondallas que terá lugar o día 1 de xaneiro ás 18 horas nas instalacións do IMD.O acceso é limitado ao foro das instalacións polo que é imprescindible entrar con invitación que se poderán recoller o venres, día 30, de 10.00 horas e de 16.00 a 21 horas no despacho de billetes do IMD.
A man inocente de Araceli, unha nena de nove anos, escolleu hoxe xoves na Casa do Concello as papeletas dos 36 afortunados nenos e nenas que acompañarán os reis magos nas súas carrozas durante a tradicional cabalgata que se celebra o 5 de xaneiro.