martes, 23 xuñ 2020
Caballero reiterou esta mañá que está "terminantemente prohibido" organizar cacharelas nos areais da cidade debido ao dano medioambiental que producen. Advertiu que haberá presencia policial nas praias e instou aos cidadáns a manter un comportamento cívico.
venres, 19 xuñ 2020
O alcalde confirmou este venres que Amaral actuará en agosto do ano 2021 no Auditorio de Castrelos. Trátase dun novo cambio no programa Vigo en Festas 2020 afectado pola pandemia do Covid-19. Ademais, o grupo zaragozano tamén ofrecerá un concerto acústico este 19 de xullo dentro da programación do Festival TerraCeo no Auditorio Mar de Vigo.
martes, 16 xuñ 2020
Vigo non poderá celebrar finalmente a noite de San Xoán coas tradicionais cacharelas debido ás medidas da "nova normalidade" que vén de publicar a Xunta como autoridade sanitaria nesta fase. Este tipo de eventos non se poden organizar ata o próximo 1 de xullo, segundo explicou esta mañá o rexedor.
xoves, 11 xuñ 2020
Vigo poderá celebrar a noite de San Xoán coas tradicionais cacharelas que se organizarán en espazos amplos que permitan manter as distancias de seguridade. En poucos días abrirá o prazo para solicitar o correspondente permiso e se farán públicas as condicións de precaución sanitaria que se deberán cumprir.
martes, 9 xuñ 2020
Coa participación do alcalde, este martes presentouse un avance do Festival TerraCeo, concertos e actuacións de xullo a setembro cun formato que presta especial atención ás medidas de seguridade sanitaria. Está confirmada a presenza de Los Secretos, Andrés Suárez, Pablo López, Álex Ubago, Don Patricio, Recycled J e Ariel Rot.
venres, 22 mai 2020
O rexedor sumouse esta mañá ás opinións dos presidentes das comisións de festas de Bouzas, Coia ou San Roque que lle trasladaron esta mañá nunha reunión virtual a dificultade de organizar estes eventos nestas circunstancias. Con todo, o rexedor comprometeu apoio municipal no caso de que poidan manter unha parte das celebracións relixiosas, tal e como prevén nun principio, pendentes da evolución da situación sanitaria.
venres, 15 mai 2020
O alcalde mantivo este venres un encontro por videoconferencia con responsables da Orquestra Vigo 430 e coa Orquestra Clásica de Vigo no que lles solicitou un programa de actuacións para este verán, en diferentes lugares da cidade, que financiará o goberno municipal.
xoves, 30 abr 2020
Abel Caballero mantivo este xoves unha xuntanza co sector cultural da cidade para planificar a recuperación económica e estudar as posibilidades para organizar unhas festas “diferentes” durante o vindeiro verán.
luns, 9 mar 2020
O Concello de Vigo e a Asociación de Veciños do Casco Vello presentaron este luns o cartel da festa da Reconquista -do 26 ao 29 de marzo-, no seu primeiro ano como evento de Interese Turístico Nacional. A imaxe, a cargo do deseñador vigués Evaristo Pereira, reflicte a “determinación de Vigo”, en verbas de Abel Caballero.
venres, 28 feb 2020
O alcalde de Vigo, Abel Caballero, recibiu este venres unha distinción por parte da Asociación de Hoteles de Vigo (Ahosvi) en recoñecemento ao éxito das festas de Nadal e a alta ocupación turística rexistrada nos meses de decembro e xaneiro. O presidente de Ahosvi, Jaime Pereira, foi o encargado de entregar ao rexedor unha placa conmemorativa no acto celebrado no Hotel Galeones.