O colexio público "Ría de Vigo" amosa unha exposición que pon en contacto o mar e a arte , dentro do proxecto didáctico "A ría de Vigo:os seus Tesouros"seleccionado no concurso de ideas para a elaboración e desenvolvemento de programas educativos que promoveu o Servizo de Educación do Concello.
O Servizo de Educación do Concello de Vigo distribuirá entre 33 centros de ensino a maleta pedagóxica "Tan preto, tan lonxe… África", deseñada e elaborada pola ONG "Jóvenes del Tercer Mundo". Segundo explicou o concelleiro Ignacio López-Chaves, esta iniciativa pretende contribuír a "fomentar unha conciencia de multiculturalidade" nos alumnos e nos profesores, "para que os nenos se adapten á nova sociedade".
O Instituto Feiral de Vigo (IFEVI) acollerá do xoves 30 de marzo ao sábado 1 de abril o Salón Monográfico da Educación e a Formación Docentia, no que participarán cando menos 80 expositores que ocuparán unha superficie de 6.000 m2.
O Servizo de Educación do Concello de Vigo vai repartir entre os centros de ensino secundario e as asociacións de veciños 500 CD-ROM didácticos sobre a nosa cidade. Este CD-ROM, titulado "A cidade de Vigo", foi elaborado por dúas profesoras do IES San Tomé de Freixeiro no marco dun concurso de ideas convocado polo Concello.
O concelleiro de Educación, Ignacio López-Chaves, visitou o venres a Escola Municipal do Xogo, situada na rúa Tomás Alonso, para presenciar as actividades que se están a levar a cabo dentro do programa de visitas escolares a este centro. Durante o curso 2005/2006 máis de 2.600 nenos e nenas participarán neste programa.
O presidente do padroado de Escola de Artes e Oficios, Ignacio López Chaves, a directora da escola e o arquitecto municipal, realizaron o martes unha visita ás instalacións do centro co obxectivo de avaliar as reformas precisas que se deben acometer para o correcto mantemento da escola.
O concelleiro-delegado da Área de Asuntos Sociais, Ignacio López-Chaves, presentou hoxe mércores un estudo da "Situación bibliotecaria do Concello de Vigo", no que se conclúe que só o 31% da poboación viguesa utiliza as bibliotecas con que conta a cidade.
A Escola Municipal de Música organiza unha programación específica para o entroido cun festival de cine, un encontro orquestral en Allariz e un concerto didáctico.
Baixo o título "Vigo, unha empresa e moito máis", a Escola Universitaria de Estudos Empresariais vén de editar unha publicación na que se recollen as ideas manexadas durante un ciclo de conferencias e mesas redondas sobre a realidade socioeconómica de Vigo, celebrado nese centro o pasado mes de abril.
A alcaldesa, Corina Porro, reuniuse hoxe venres con Manuel Varela, director do Centro Tecnolóxico do Mar (CETMAR), para tratar do futuro da investigación e o desenvolvemento en materia marítima.