A sesión plenaria do mes de febreiro deu luz verde, co voto en contra do PP, Grupo Mixto e do concelleiro non adscrito, á aprobación inicial da modificación de crédito extraordinario e suplemento de crédito co remanente líquido de Tesourería. “Vigo é cidade modelo de España”, apunta o alcalde.
Abel Caballero informou este luns da tramitación do expediente para modificar o orzamento municipal de 2022 e engadir 45,8 millóns procedentes dos remanentes (o aforro) do Concello. O alcalde cifrou a inversión deste ano en 115 millóns, sen contar os recursos que poidan chegar de Europa.
Abel Caballero participou na inauguración da da nova Oficina de Tramitación Electrónica sita na Zona Franca de Vigo.
A Corporación validou este mércores de forma inicial a modificación da ordenanza. O Concello axústaa ao novo decreto lei aprobado en España logo dunha sentenza do Tribunal Constitucional que invalidou a fórmula de cálculo da anterior norma. O edil de Facenda, Jaime Aneiros, explicou que o imposto non se cobrará “de non haber capacidade económica” e só se abonará de existir beneficio na compravenda.
O alcalde ofreceu este luns un dato que sitúa ao consistorio vigués á cabeza das urbes españolas, segundo afirmou. Caballero puxo en valor a importancia do pronto pago para as empresas e afirmou que, entre outubro e decembro do pasado ano, o Concello tramitou operacións por valor de case 52 millóns de euros.
As contas superan os 285 millóns de euros, 21 máis que no 2021. O alcalde valorou en rolda de prensa o documento como “os orzamentos máis importantes da historia Vigo”
O Pleno debate este mércores desde as nove horas a aprobación definitiva das contas do Concello para o próximo ano, as máis elevadas da historia da cidade con 285,5 millóns de euros, sen débeda, conxelando os impostos e con 41,6 millóns de investimentos. Caballero: “Seguimos sendo un Concello serio e solvente, que cada ano aproba os seus orzamentos”.
Vigo acolle desde este xoves o XXXI Congreso Anual de Inspectores de Facenda que se inaugurou no Auditorio Mar de Vigo coa presenza da Secretaria de Estado de Facenda, Inés Bardón.
O goberno de Abel Caballero fixo valer este mércores a súa maioría para sacar adiante o orzamento municipal do próximo ano, que ascende a 285,5 millóns e incorpora máis de 40 millóns para investimentos, 22 millóns en Benestar e Igualdade e 12,5 millóns en Deporte. O alcalde: “Uns grandes orzamentos con débeda cero, con conxelación de impostos e taxas”
O alcalde ofreceu os datos este martes, un día antes de que o Pleno vote a aprobación inicial do orzamento do Concello para 2022, contas récord sen débeda, con pago a provedores en oito días e conxelación de taxas e impostos. Cada vigués o ano pasado pagou 511 euros en impostos, cando a media de España ascendeu a 652 euros e ata os 734 euros no caso das cidades con máis de 250.000 habitantes.