O martes, 24 de xuño, ás 20:00 h, terá lugar na planta baixa da Casa das Artes (r/ Policarpo Sanz, 15) a inauguración da exposición "Vigo ten swing. Unha aproximación á historia do jazz en Vigo", organizada pola Concellería de Cultura e Festas con motivo da décima edición do Festival de Jazz IMAXINA SONS.
O Festival de Jazz IMAXINA SONS'14 oferta o programa "Academia de Sons", que terá lugar do 30 de xuño ao 3 de xullo no Marco (r/ Príncipe, 54), cunha serie de actividades lúdicas que teñen por obxectivo aprender, experimentar e divertirse. A inscrición para estas actividades será gratuíta e realizarase exclusivamente a través do servizo do 010 (ou 986.810.260 se chama dende fóra de Vigo ou dende móbil), dende o venres día 20 ata as 14:00 h do venres 27 de xuño.
A programación das festas de Vigo desvela o seu primeiro nome. Joe Satriani, un dos mellores guitarristas do mundo, chega ao Auditorio Mar de Vigo o próximo 16 de xullo, ás 21h, con entradas desde 25 euros e case todo o papel vendido. O alcalde, Abel Caballero, presentou este venres o concerto.
O mércores, 18 de xuño 2014 no Centro de Documentación e Recursos Feministas ás 19.00 horas, terá lugar a presentación da triloxía "Ámote Leo A.", de Rosa Aneiros. No acto estará a autora e Anaír Rodríguez de ed. Xerais
Renfe e Iberia ofertan descontos nas súas viaxes á cidade de Vigo con motivo do 10º Festival de Jazz IMAXINA SONS'14, que terá lugar do 26 de xuño ao 5 de xullo.
Hoxe luns, día 16, puxéronse á venda as entradas para a décima edición do Festival de Jazz de Vigo IMAXINA SONS'14, que terá lugar do 26 de xuño ao 5 de xullo; os concertos de pagamento desenvolveranse no Auditorio Municipal do Concello (5 € + gastos de xestión), e no salón de actos do Marco (3 € + gastos de xestión).As entradas poden mercarse anticipadamente no servizo de Servinova (www.servinova.com, ou no teléfono 902.504.500) e na Central de Espectáculos (r/ Velázquez Moreno, 26).
Este mércores día 11 de xuño, ás 20:00 h, inaugúrase na sala de exposicións da Casa Galega da Cultura a exposición "Afinidades Selectivas 7", organizada pola Universidade de Vigo, coa colaboración do Concello de Vigo. A mostra da continuidade a un proxecto iniciado no ano 2008, baixo o comisariado de Susana Cendán, e que continua a evolucionar nesta sétima edición, xa perfectamente integrado na axenda cultural da cidade de Vigo.
A Fundación Laxeiro, en colaboración coa Concellería de Cultura e Festas e maila Facultade de Belas Artes de Pontevedra, organiza unhas xornadas de arte de acción, de investigación e divulgación de aspectos que conforman a arte do noso tempo. As xornadas terán lugar o martes e mércores na sede da Fundación Laxeiro.
O Marco inaugura hoxe a mostra "Eidos da imaxe. Grafías dos feitos e do pensamento", comisariada por Alberto Ruiz de Samaniego, un proxecto realizado en colaboración coa Facultade de Belas Artes da Universidade de Vigo.Pola tarde, ás 20.00, durante a inauguración da exposición, terá lugar a performance Mapamundi accidental (2014), do artista Juan Fernando de Laiglesia, participante na exposición.
Do 4 ao 8 de xuño, celébrase a terceira edición do "Festival Primavera do Cine", organizado polas agrupacións culturais galegas Musiquina 33mg e O Reencanto, coa colaboración da Concellería de Cultura e Festas. Dun total de case 200 obras recibidas seleccionaronse 7 na categoría de longametraxes; 14 obras competirán en curtametraxes e 13 producións completan o festival coa categoría de videoclips.