Na Casa Galega da Cultura (praza da Princesa, 2) podese ver a exposición "Centenario de Xosé Mª Álvarez Blázquez. Constructor dunha cidade de libros (Tui, 1915-Vigo, 1985)", organizada pola Fundación Penzol coa colaboración da Concellería de Cultura, Festas e Museos.
o xoves 23 de abril, 54 bibliotecas de museos e centros de arte e cultura inundarán as cidades de libros con motivo da celebración do Día Internacional do Libro. Estes centros únense nunha experiencia de Bookcrossing na que liberarán máis de 2.000 volumes relacionados con diferentes disciplinas. En Vigo, a solta de libros comezará ás 11.00 fronte á fachada principal do MARCO, R/ Príncipe.
Este xoves 16 de abril, ás 20:00 h, terá lugar na planta baixa da Casa das Artes (r/ Policarpo Sanz, 15) a apertura da exposición "M-eu-mar" de Xan Vieito, promovida pola Concellería de Cultura, Festas e Museos.
O alcalde presentou este xoves o ciclo de concertos "430de10" que programa a Orquesta Vigo 430 coa colaboración do Concello de Vigo polo seu décimo aniversario. Caballero eloxiou este proxecto "excepcional" xurdido dos ámbitos musicais da cidade e apuntou que os cinco concertos organizados, comezando este domingo, 19 de abril, buscan "un aínda maior acercamento" aos vigueses ao celebrarse en distintas localizacións: o García Barbón, o Auditorio Mar de Vigo, o MARCO e a ESAD.
Dende o pasado día 20 de marzo e ata o 22 de maio, estase a desenvolver no Auditorio Municipal do Concello (praza do Rei, 1) a programación de artes escénicas "Vigocultura", dirixida tanto a público adulto (venres) como a público familiar (domingos), organizada dende a Concellería de Cultura, Festas e Museos.
A Concellería de Cultura, Festas e Museos ven de promover dúas novas exposicións temporais que ofertan visitas guiadas, ben de forma presencial, ou ben mediante inscrición previa no servizo de Atención Cidadá (010 ou 986.810.260 se chama fóra de Vigo).
O Verbum-casa das Palabras (Avda de Samil, 17) acolle a exposición "A outra cara de África", promovida pola Asociación de Emigrantes Senegaleses residentes en Vigo, en colaboración coa Concellería de Cultura, Festas e Museos. A Exposicion que se poderá visitar ata o 28 de xuño amosa aspectos na vida da cultura de África.<br />
O domingo 5 de abril terá lugar o segundo dos concertos deste ciclo de música que terá lugar na igrexa de María Auxiliadora ás 20.30 horas. Este segundo concerto enmarcado nas datas de semana santa serve para reflexionar a capacidade da música como válvula de escape nun momento de dor e opresión extrema.
O Museo de Castrelos acolle a exposición "Estraño e cotián. A colección de Artes Decorativas do Museo Municipal de Vigo Quiñones de León", promovida pola Concellería de Cultura, Festas e Museos. Esta exposición recupera unha serie de obxectos da colección de artes decorativas do Museo Municipal de Vigo, obras que teñen relación coa convivencia diaria das persoas e que, na súa maior parte, chegaron ao museo fóra do seu contexto orixinal.
A Concellería de Cultura, Festas e Museos colabora coa Orquestra Clásica de Vigo no ciclo de concertos "Música e Resistencia", onde se tratarán as obras de distintos compositores desde un punto de vista temático. O fío condutor que aborda a música como elemento xerador de identidade en tres escenarios posibles.Co gallo da celebración da Reconquista da Vila de Vigo, o ciclo comeza o día 28 de marzo, ás 21.00 horas, na Colexiata, con dúas obras que fan referencia a este momento histórico fundamental para a nosa cidade.