O mércores, 11 de marzo, ás 20 horas terá lugar na sede do Centro de Artesanía Tradicional -CAT- un novo Faladoiro artesán. A charla introducirá o tema "Redes: da pesca ás novas utilidades" e será impartida por membros da Asociación Atalaia de Redeiras do Baixo Miño.<br /> <br /> <br /> <br />
Este luns presentouse a primeira edición deste festival do cine e da banda deseñada, un "evento singular e moi especial" que "arrancamos con moito entusiasmo", subliñou o alcalde. Os organizadores explicaron que o Boom! Film vai desde hoxe ata o 12 de marzo coa proxección de 8 películas, mentres que o Boom! Cómic será o 13 e 14 de marzo no Auditorio Mar de Vigo, con presentacións, concursos, espectáculos e exposicións.
Así o manifestou este xoves o concelleiro de Cultura, Cayetano Rodríguez, durante a presentación da 14ª edición do Festival Alternativo das Artes Escénicas de Vigo, que ten lugar do 9 ao 15 de marzo en distintos puntos da cidade. O Concello é o colaborador principal do ALT, un evento internacional que engade o cine, a danza e a música ás representacións teatrais de compañías nacionais e internacionais.
Abel Caballero, tras unha reunión coa dirección do centro, avanzou a "cooperación activa" do Concello no programa que inicia o Conservatorio Superior a mediados de marzo e anunciou o acordo para impulsar un novo proxecto global en Vigo, músical e escénico, subvencionado polo Concello de Vigo.
O martes día 3 de marzo, ás 20:00 h estrease no Auditorio Municipal do Concello (praza do Rei, 1) o documental "O Piloto", realizado por Xosé Reigosa e con guión de Alfonso Eiré; o acceso é con entrada libre ata completar aforamento.
O domingo 1 de marzo, o 14º Festival Alternativo das Artes Escénicas de Vigo ofrecerá unha programación especial adicada ao traballo da compañía VOADORA. Presentaranse en varios espazos da cidade parte dos espectáculos que marcaron a traxectoria da compañía.A partir de 16h en Casa de Arínes, Auditorio do Concello e Auditorio Afundación. Haberá un bus que traslade ao público dun sitio para outro e os traslados tamén serán aproveitados pola compañía para realizar fotogramas da peza Super 8. O ALT está organizado pola Asociación Cultural Noescafé Teatro en colaboración coa Concellería de Cultura, Festas e Museos. <br /> <br />
O Concello patrocina un ano máis a posta en marcha de Ao son de Vigo, o festival de Habaneras organizado por ACOPOVI que, como en pasadas edicións, organizarase no Auditorio Mar de Vigo. O primeiro concerto será o domingo 1 de marzo, a entrada será de balde, como é habitual, e o público disporá dun servizo especial de autobús.
O mércores 25 de febreiro ás 20,00 h terá lugar no Auditorio Municipal "Vigo é música", espectáculo creado polo Cuarteto Caramuxo a petición da Fundación Vigueses Distinguidos e o Concello de Vigo no que o grupo pasa polo seu persoal xeito de interpretar a música cun repertorio de pezas nas que a cidade de Vigo é a protagonista.Entrada de balde ata completar aforo<br />
O próximo 25 de febreiro ás 20,00 h comezará no Auditorio Municipal o espectáculo do Cuarteto Caramuxo, Vigo é musica, un repaso polas cancións máis representativas da cidade desde o século XVIII ata a actualidade. Este concerto, que contará coa voz da viguesa Mónica de Nut, esta organizado pola Fundación Vigueses Distinguidos, baixo patrocinio municipal.
O alcalde compareceu esta mañá en rolda de prensa acompañado dunha nutrida representación dos artistas que interveñen no Canto das Illas, un espectáculo que se vai representar os días 20, 21 e 22 de febreiro no Auditorio Mar de Vigo. Caballero cualificou de "única na historia da cidade" unha iniciativa municipal, promovida para promocionar As Illas Cíes como patrimonio da humanidade da Unesco.