Abel Caballero inaugurou este mércores unha nova edición de Mostrarte, o ciclo que leva aos espazos da Alcaldía obras de recoñecidos artistas da cidade. Nesta ocasión, a exposición leva por título Feminino Singular, con 24 obras de 3 creadoras, Pilar Gova, Rosario Palacios e Novais, "cunha visión expresionista excepcional", en verbas do rexedor.
O alcalde de Vigo eloxiou o funcionamento e os contidos do museo Marco para este ano 2015, tal e como dixo na rolda de prensa de presentación da programación. No encontro cos medios de comunicación, aproveitou para criticar ás administracións que recortaron ou suprimiron a súa cooperación económica co museo vigués, en clara alusión á Xunta, ao Ministerio de Cultura e á Deputación de Pontevedra.
A Biblioteca Municipal "Xosé Neira Vilas" (r/ Martínez Garrido, 21) presenta a súa programación para o primeiro trimestre de 2015, que inclúe unha serie de actividades diversas, dirixidas a todos os públicos, e onde destacan as xa habituais como "As tardes do Roque", "A hora dos contos", "Contos Dakí" ou "Entre arrolos e contiños", ademais do clube de lectura.
A planta baixa da Casa das Artes (rúa Policarpo Sanz, 15) acolle a exposición "Outra panificadora é posible", organizada polo colectivo "Outro Vigo é posible" en colaboración coa Concellería de Cultura, Festas e Museos.
Esta mañá, ás 12:00 h, celebrouse no auditorio municipal do Concello o sorteo correspondente ao concurso "Vente cos Reis Magos 2015", que ten por obxecto seleccionar a corenta nenas e nenos para acompañar aos Reis Magos, na Cabalgata de Reis que terá lugar o vindeiro 5 de xaneiro. As nenas e nenos repartiranse nas tres carrozas reais e na do Carteiro Real.
O Concello decidiu prorrogar a exposición "Vigo, a cidade que xurdiu da industria conserveira", que se pode visitar no primeiro andar da Casa das Artes. Deste xeito, o público poderá achegarse á historia da conserva durante estas festas do Nadal.
A Concellería de Cultura, Festas e Museos organiza un Concerto de Nadal a cargo da Banda de Gaitas XARABAL, que contará coa participación do grupo PELEPAU; o concerto terá lugar este venres 19 de decembro, ás 20:30 h, no Auditorio Municipal do Concello (praza do Rei, 1), con entrada libre ata completar aforamento.
A producción operística Lucía de Mamermoor, de Gaetano Donizetti, achegará ao Teatro Afundación o próximo domingo un clásico que non se representaba na cidade desde hai 46 anos. A montaxe conta coa colaboración das viguesas Orquesta Sinfónica Vigo 430 e do Coro Universitario.
O mércores 17 de decembro, ás 20:00 h, inaugúrase na sala de exposicións da Casa Galega da Cultura (praza da Princesa, 2) a exposición "Memoria e identidade no laboratorio da moda", organizada pola Universidade de Vigo, coa colaboración da Concellería de Cultura, Festas e Museos.Os creadores procuran dar resposta aos problemas e as sensibilidades do momento, ou polo menos facerse as preguntas, cuestionar e cuestionarse. Hoxe moitas das preguntas que se fai o deseño teñen que ver coa súa propia natureza, a súa linguaxe, e coa sustentabilidade e mesmo coa ética do seu sistema produtivo.
O rexedor vigués, Abel Caballero, e o responsable da Asociación de Corais Polifónicas de Vigo, Enrique Lorenzo, asinaron este luns un convenio de colaboración polo que o Concello achega 65.000 euros para a celebración dunha nova edición do Festival de Habaneiras e Polifonía "Ao Son de Vigo".