O alcalde avanzou hoxe xoves que a ocupación da biblioteca municipal do Auditorio Mar de Vigo é do 100% cando apenas transcorreron dez días desde a súa apertura. Caballero cualificou de éxito o funcionamento dun espazo de lectura demandado con "clamor" na cidade, con 450 prazas e un horario 9,00 a 21,00 h de luns a domingo, dotado con conexión wifi e novas tecnoloxías.
Pintura e poesía únense por primeira vez na exposición de Ambel na Alcaldía, baixo o título "Vigo: a cidade arte", nunha nova edición do programa Mostrarte. As paisaxes da cidade olívica que propón o artista inspiran os textos de Mikel O'Ferdinand, que acompañan cada cadro de Ambel.
O alcalde animou á cidade a achegarse aos espazos culturais da cidade para gozar da programación organizada con motivo do Día Internacional dos Museos. Entre o 18 e o 21 de maio haberá visitas guiadas e concertos en todos os centros municipais, con horario máis amplo do habitual.
O alcalde participou este xoves na inauguración desta exposición, aberta ao público ata o 23 de xullo na Casa das Artes. A mostra recopila obras recentes e do periodo que pasaron xuntos os artistas en Nova York, a comezos dos oitenta.
Xa están á venda as entradas para gozar da adaptación teatral de Dirty Dancing, que se representará no Auditorio Mar de Vigo entre os próximos 14 e 18 de xuño. Esta versión da mítica película dos anos 80 estreouse en Australia e, logo de cosechar éxitos en todo o mundo, chega a Vigo despois de triunfar tamén en Madrid ou Barcelona.
A biblioteca do Auditorio Mar de Vigo aportará 400 postos de lectura á cidade, unha cifra que se vai sumar ás que xa existen na Casa do Patín, inaugurada o pasado martes. Deste xeito, o Concello avanza na cobertura dunha gran demanda de postos de lectura detectada na cidade.
Este venres ás 20 horas, a Casa Galega da Cultura recibirá a Fernando Pérez Suescun, xefe de contidos didácticos da Área de Educación do Museo do Prado. A súa ponencia se enmarca na exposición "Hoxe toca o Prado", presente na Pinacoteca Municipal Francisco Fernández del Riego ata o 14 de maio. <br />
O alcalde avanzou esta mañá que o próximo 8 de maio abrirá as súas portas a biblioteca do Auditorio Mar de Vigo. Con case 500 mesas, esta sala de lectura será á máis grande de Vigo e unha das máis grandes de Galicia.
O alcalde presentou este venres as accións programadas polo goberno de Vigo para conmemorar o Día Internacional da Danza, este sábado 29 de abril. Ás 20 horas, con entrada gratuita, a gala oferta trinta actuacións de distintos estilos a cargo de grupos de 18 centros de danza da cidade.
Este venres presentouse no Museo de Arte Contemporánea de Vigo "Ánxel Huete. Unha revisión crítica", unha mostra aberta ata o 17 de setembro que repasa a traxectoria do creador. Caballero eloxiou a arte de Huete, en contacto co social, e formando parte dunha xeración que transformou o país "desde o compromiso político, desde a acción artística".