A biblioteca do Auditorio Mar de Vigo aportará 400 postos de lectura á cidade, unha cifra que se vai sumar ás que xa existen na Casa do Patín, inaugurada o pasado martes. Deste xeito, o Concello avanza na cobertura dunha gran demanda de postos de lectura detectada na cidade.
Este venres ás 20 horas, a Casa Galega da Cultura recibirá a Fernando Pérez Suescun, xefe de contidos didácticos da Área de Educación do Museo do Prado. A súa ponencia se enmarca na exposición "Hoxe toca o Prado", presente na Pinacoteca Municipal Francisco Fernández del Riego ata o 14 de maio. <br />
O alcalde avanzou esta mañá que o próximo 8 de maio abrirá as súas portas a biblioteca do Auditorio Mar de Vigo. Con case 500 mesas, esta sala de lectura será á máis grande de Vigo e unha das máis grandes de Galicia.
O alcalde presentou este venres as accións programadas polo goberno de Vigo para conmemorar o Día Internacional da Danza, este sábado 29 de abril. Ás 20 horas, con entrada gratuita, a gala oferta trinta actuacións de distintos estilos a cargo de grupos de 18 centros de danza da cidade.
Este venres presentouse no Museo de Arte Contemporánea de Vigo "Ánxel Huete. Unha revisión crítica", unha mostra aberta ata o 17 de setembro que repasa a traxectoria do creador. Caballero eloxiou a arte de Huete, en contacto co social, e formando parte dunha xeración que transformou o país "desde o compromiso político, desde a acción artística".
A programación de Vigocultura levará o domingo 23 ao Auditorio Municipal a obra para público familiar VALADOS. O espectáculo, ademais conmemorar o Día Internacional do Libro, será unha homenaxe ao seu autor, Agustín Fernández Paz, falecido en Vigo o pasado mes de xullo.
O Día das Letras Galegas está adicado este ano a Carlos Casares e o Concello de Vigo e a fundación que leva o seu nome preparan distintas actividades culturais, que comezan o 4 de maio coa mesa redonda "A Muller no Obra de Carlos Casares". Na presentación este luns, o alcalde eloxiou a un "gran escritor, gran literato e magnífico amigo".
A partir deste sábado e ata o día 12 de abril, setenta pianistas procedentes de 25 países participarán no primeiro Concurso Internacional de Piano de Vigo, organizado no Auditorio Martín Códax do Conservatorio Superior de Música. Este certame é unha mostra máis do "gran momento" que está a atravesar a música clásica na cidade, segundo o concelleiro de Cultura.
O Concello colabora coa Asociación de corais polifónicas de Vigo, ACOPOVI, na organización do XII Festival Coral de Música Sacra Vigo 2017, que se desenvolve dende o 1 ao 12 de abril en diversas igrexas da cidade. Contará coa participación de 35 agrupacións corais viguesas e doutros lugares como Bretaña, Vilagarcía ou Asturias e comprenderá un total de 19 recitais.
O concelleiro de Cultura presentou este xoves, xunto ao director da Orquestra, Manuel Rodríguez, a programación 2017 que inclúe nove concertos en distintos espazos da cidade e o ciclo Resonancias con seis pequenos recitais.