venres, 6 xuñ 2003
O domingo 8 de xuño a partir da 13:00 horas sete avións do Exército do Aire que forman a "Patrulla Águila" realizarán unha exhibición aérea sobre a Ría de Vigo e que organiza a Concellería de Cultura.
xoves, 5 xuñ 2003
A soprano Ainhoa Zuazua acompañada ó piano de Francisco Borja darán o concerto de clausura do ciclo de música de novos intérpretes "Xeración 2000+3" que organiza a Concellería de Cultura. O concerto de carácter gratuíto comezará ás 20.30 horas do venres no auditorio do Conservatorio de Música de Vigo.
xoves, 5 xuñ 2003
A "Patrulla Ágila" do Exército do Aire realizará o venres ás 12.45 un ensaio na praia de Samil da exhibición aérea que terá lugar o domingo 8 de xuño e que organiza a Concellería de Cultura.
martes, 3 xuñ 2003
O Museo de Arte Contemporánea de Vigo recibiu a visita dun grupo da Asociación de Amigos do San Francisco Museum of Modern Art, liderados por Margy Boyd, representante do grupo, e dirixidos por Mervyn Samuel, o seu guía en España.
martes, 3 xuñ 2003
A escritora Rosa Regás asistiu a unha reunión do Comité de Expertos do Verbum-Casa das Palabras para traballar no programa de actividades que comezará no museo a partir de setembro. O concelleiro de Cultura en funcións, Carlos Príncipe, destacou a cifra de 50.000 visitantes no primeiro mes de apertura desta nova dotación cultural situada en Samil.
venres, 30 mai 2003
O concelleiro de Cultura, Carlos Príncipe, presentaba a programación do festival de Música de Vigo "ARE-MORE"-2003 que se desenvolverá dende o 28 de outubro ó 19 de decembro. O concerto de inauguración estará a cargo da soprano neozelandesa Kiri Te Kanawa e o de clausura a mezzosoprano Teresa Berganza.
mércores, 28 mai 2003
O Conservatorio de Música acolle un novo concerto do ciclo de música de novos intérpretes Xeración 2000+3 e que organiza a concellería de Cultura. Nesta ocasión o concerto será o xoves, ás 20.30 horas, a cargo da mezzosoprano Nuria Lorenzo López e do pianista Jesús Pardal. A entrada ó concerto é gratuíta.
mércores, 28 mai 2003
O Consello Evanxélico de Vigo organiza as Primeiras Xornadas "Biblia e Cultura, Vigo'03" que patrocina a concellería de Cultura e que se celebran do 28 de maio ó 15 de xuño con varias actividades que van desde unha exposición de biblias, unha maratón de lectura bíblica, un festival infantil, a representación dunha obra de teatro e conferencias.
venres, 23 mai 2003
O concelleiro de Cultura, Carlos Principe, presentou o libro "Percorrido pola arquitectura histórica de Vigo" de Xaime Garrido Rodríguez e José Ramón Iglesias Veiga e que edita o Cultura. O libro ofrece argumentos para descubrir outra mirada da cidade sobre a obra que grandes arquitectos deixaron como sinais de identidade.
xoves, 22 mai 2003
O museo municipal de Vigo "Quiñones de León" e o Laboratorio Municipal presentan por primeira vez ao público a colección de instrumental científico e curiosidades pertencentes, a maior parte das pezas, á primeira metade do século XX.