O obxectivo deste concurso é seleccionar un cartel para empregar na divulgación do programa da Reconquista da Vila de Vigo 2012, que organiza a Asociación Veciñal e Cultural Casco Vello de Vigo (AVC Casco Vello) en colaboración coa Concellería de Cultura e Festas do Concello de Vigo.O prazo de presentación é do 10 de decembro do 2011 ao 13 de xaneiro do 2012. <br />
A Festa Escénica en colaboración coa Concellería de Cultura e Festas presenta en Vigo o seu show circense de grande formato "Galtük". Dende o día 16 de decembro e ata o 8 de xaneiro, o paseo de Samil será o espazo no que centos de artistas den vida a "Galtuk", con 31 funcións durante 20 días. O prezo das entradas oscila entre os 8 e os 32 euros e se porán a venta a través de Servinova e na taquilla, dúas horas antes de cada show.<br />
Máis de 30 obras representativas de cómo se tratou historicamente ‘O nacemento’ en países como Portugal, Alemania, Italia o Perú pódese ver no Museo Liste do 15 de decembro ó 8 de xaneiro . A exposición "O Nadal na tradición" está organizada pola Fundación Liste-Museo Etnográfico de Vigo en colaboración coa Concellería de Cultura e Festas.
A Concellería de Cultura e Festas colabora coa productora Músicas do Sul no concerto que ofrecerá Isga Collective no Auditorio Municipal o próximo mércores 7 de decembro ás 21.00 horas. O acceso é gratuíto ata completar aforamento; ás invitacións pódense recoller no despacho de billetes 60 minutos antes.<br /> <br />
Para finalizar os obradoiros dominicais deste ano o Verbum ofrece unha viaxe moi especial, unha viaxe en alfombra! da man de Teresa González, premio Xerais de literatura infantil no 2010. Nestas viaxes asistirase á narración das historias máis coñecidas da literatura universal como son: A Odisea, Moby Dick, A Illa do Tesouro, 20.000 Leguas de Viaxe Submarina... Estes obradoiros están destinados aos menores de 5 a 12 anos e familias en horario de 12 a 13 horas.
A Concellería de Cultura e Festas colabora coa productora Músicas do Sul, na presentación do primeiro disco do grupo vigués "Xardín desordenado" que terá lugar o venres, día 2 de decembro, ás 21 horas no Auditorio Municipal.O acceso ao concerto é gratuito ata completar aforamento.As invitación pódense recoller no despacho de billetes 60 minutos antes.
Abel Caballero, acompañado por concelleiros do goberno local, visitaron hoxe mércores a Pinacoteca Municipal na súa reapertura tras realizarse reparacións menores no edificio. O alcalde eloxiou esta dotación como "potenciador da cultura pictórica de Galicia e para o mundo" e apuntou un "segundo mérito importante" ao formar parte da recuperación do Casco Vello. A Pinacoteca permanecerá aberta en horario de mañá e tarde.
Con motivo do día mundial contra a SIDA o museo MARCO organiza os días 1 e 2 de decembro diversas actividades en colaboración con entidades, asociacións e ONG. En 1998, a Organización Mundial da Saúde (OMS) declarou o 1 de decembro como Día Mundial da SIDA. Dende entón, coincidindo con esta data, persoas de todo o mundo xuntan esforzos para xerar unha maior conciencia do que supón o VIH/SIDA e mostrar solidariedade internacional ante a pandemia.
" A diversidade lingüística actual: desafíos e oportunidades" é o título de conferencia que pronunciará o martes 29 de novembro ás 20.00 horas a profesora Carme Junyent no Verbum.Esta charla é unha das actividades propostas como complemento e afondamento na exposición "Vigo Cidade Babel. O Verbum da diversidade lingüística".
Os músicos Pablo de Naverán (cello) e Alexander Kandelaki (piano) renderán homenaxe a Franz Liszt no bicentenario do seu nacemento durante un concerto que terá lugar no Auditorio Municipal o mércores 30 de novembro partir das 20.30 horas, con acceso gratuíto. Para poder asistir ao concerto haberá que recoller as invitacións no despacho de billetes a partir das 19:30 horas e até as 19:50 h (máximo de invitacións por persoa: 6).<br />