martes, 10 xan 2012
Finalizado 2011, o MARCO de Vigo fai balance das actividades postas en marcha dende o Museo durante os últimos doce meses, entre as que destacan as exposicións temporais e a programación didáctica para público infantil e adulto, entre moitos outros eventos e actividades. O balance cuantitativo, cun cómputo global de 116.556 visitantes en 2011, foi o máis elevado na historia do MARCO dende a súa apertura ao público a finais de 2002.
luns, 9 xan 2012
Con fin de atender a demandan dos estudantes universitarios, a Biblioteca Pública ampliará o seu horario entre os días 9 e 20 de xaneiro, ambos incluídos. A sala de lectura permanecerá aberta ata ás 22,00 horas (normalmente pecha ás 20,30 horas) de luns a venres, os sábados, ademais de abrir pola mañá, será accesible tamén de 17,00 a 22,00 horas, e os domingos, habitualmente pechada, permanecerá aberta entre as 10,00 e as 14,00 horas.
martes, 3 xan 2012
Abel Caballero avanzou esta mañá que a xestión do Arquivo Pacheco, un "magnífico proxecto" sairá a concurso público para que se poidan presentar todas as empresas que así o decidan. O rexedor ratificou a vocación política do Executivo local de manter esta mostra porque "é unha das grandes riquezas da cidade, memoria vivinte dos últimos 100 anos".
luns, 2 xan 2012
A partir do martes 3 de xaneiro, coincidindo co inicio de 2012, o MARCO de Vigo modifica os seus horarios de apertura ao público. O cambio máis importante consiste en que as salas de exposición pecharán a mediodía, entre as 14.30 e as 17.00, de martes a sábados (festivos incluídos). O domingo continuarán abertas ao público en horario de mañá ata as 14.30, e o luns seguirá sendo o día de peche, como ata agora. Este cambio afecta tamén á apertura da Biblioteca-Centro de documentación no seu horario de tarde, que pasa a ser de 17.00 a 21.00 (en lugar de 16.00 a 20.00).
xoves, 22 dec 2011
O alcalde de Vigo, Abel Caballero, presentou este xoves o concerto de aninovo que ofrecerá Siniestro Total no Teatro García Barbón para conmemorar os seus 30 anos de traxectoria musical. A "suite sinfónica suicida" Land of Opportunity unirá o rock dos vigueses coa música contemporánea do Taller Atlántico Contemporáneo o próximo 4 de xaneiro ás 21:30 horas, con entradas á venda desde 12 euros.
mércores, 21 dec 2011
A Concellería de Cultura e Festas programa para o xoves, 22 de decembro, ás 21.00 horas un concerto de Nadal do Coro Concento de Vigo no Auditorio Municipal do Concello. Entrada libre até completar capacidade mediante invitación que se recollerá no despacho de billetes do Auditorio o mesmo día da actuación desde unha hora antes do comezo do concerto.
martes, 20 dec 2011
O alcalde de Vigo, xunto á concelleira de Cultura e ao xerente do IFEVI, presentou este martes a novena edición de Vigolandia, que celebrarase en Cotogrande do 26 ao 30 de decembro. O evento, que reúne a numerosos patrocinadores, ofrece un concurso de pintura, un espectáculo de maxia e múltiples actividades para nenos, adicando toda a recadación á asociacións solidarias de Vigo.
Actividade paralela da exposición YOU ARE NOT ALONE
luns, 19 dec 2011
Dentro das actividades paralelas da exposición YOU ARE NOT ALONE, o martes 20 de decembro terá lugar nas instalacións do MARCO o obradoiro titulado ‘Introducción ao counselling no VIH/SIDA’, impartido por Marimar Revuelta (axente de saúde en VIH/SIDA do Grupo de Autoaxuda IMÁN CEDRO) e Antón Bouzas (educador social, coordinador do Grupo IMÁN CEDRO e terapeuta na Unidade Asistencial de Drogodependencias do Concello de Vigo).
luns, 19 dec 2011
Actuación da Orquestra Sinfónica do Conservatorio Superior de Música de Vigo o 20 de decembro no Auditorio Municipal do Concello, ás 20 horas.Entrada libre até completar capacidade mediante invitación que se recollerá no despacho de billetes do Auditorio o mesmo día da actuación desde unha hora antes do comezo do concerto.<br />
venres, 16 dec 2011
Esta fin de semana o Concello programa nunha ampla oferta de actividades de ocio e cultura para todos os públicos. Toda a oferta municipal en vigocultura.org
