Abel Caballero informou este venres de que o transporte urbano municipal recuperará o vindeiro luns o 100% do servizo con todas as medidas de seguridade e hixiene establecidas polo Ministerio de Sanidade. Ademais, ao longo da semana tamén comezará o servizo ás praias.
A Xunta de Goberno Local aprobou a reanudación da execución de varios contratos de servizos para retomar a actividade en varias instalacións municipais, dentro do plan de desescalada cara a "nova normalidade" e respectando as condicións sanitarias establecidas polas autoridades sanitarias.
Abel Caballero anunciou esta mañá as datas do Campus Vide 2020 que se organizará en xullo no Complexo Deportivo das Travesas. A principios do mes que vén arrancarán tamén os campamentos para persoas con discapacidade que se desenvolven tamén en agosto no museo Verbum Casa das palabras. Deste xeito máis de 300 novas prazas súmanse ás 2.388 ofertadas desde a Concellería de Xuventude.
A Xunta de Goberno Local aprobou este xoves as bases para a selección do persoal e a relación das obras a acometer no segundo semestre do ano. A contratación primará a colectivos con dificultades de inserción laboral e está cofinanciada con fondos FEDER da Unión Europea dentro do proxecto “Vigo Vertical”.
O alcalde e presidente da FEMP participou na Comisión Plenaria da Rede de Destinos Turísticos Intelixentes, xunto ao Rei e á ministra Maroto, e apostou por “non dar nada por perdido”. Felipe VI trasladou o seu apoio a unha tempada turística segura e de calidade
Vigo poderá celebrar a noite de San Xoán coas tradicionais cacharelas que se organizarán en espazos amplos que permitan manter as distancias de seguridade. En poucos días abrirá o prazo para solicitar o correspondente permiso e se farán públicas as condicións de precaución sanitaria que se deberán cumprir.
A partir do vindeiro luns, 15 de xuño, o goberno municipal ofrecerá axuda no Concello, mediante cita previa, á cidadanía que precise asesoramento, información ou rexistro da solicitude do ingreso mínimo vital. A cita pode pedirse desde mañá venres en www.vigo.org ou a través do teléfono de información 010.
O goberno local segue traballando no proceso de reconstrución económica e social da cidade no que xa a esa a investir máis de medio millón de euros en iniciativas relacionadas co emprego. Esta mañá o rexedor avanzou a posta en funcionamento de Vigo emprende, un programa de asesoramento e formación de emprendedores e pequenas e medianas empresas dotado con 300.000 euros dentro da estratexia Dusi Vigo vertical.
O goberno municipal investiu 28.000 euros para dotarse de 200 equipos que repartirá aos centros educativos que o solicitaron para facilitarllos aos estudantes que non dispoñen de medios nin conexión para poder seguir a súa formación online.
Coa participación do alcalde, este martes presentouse un avance do Festival TerraCeo, concertos e actuacións de xullo a setembro cun formato que presta especial atención ás medidas de seguridade sanitaria. Está confirmada a presenza de Los Secretos, Andrés Suárez, Pablo López, Álex Ubago, Don Patricio, Recycled J e Ariel Rot.