Segundo trasladou este luns o alcalde, o goberno de Vigo vén de asinar o anuncio das prazas convocadas, unha vez derrogada a suspensión dos procedementos administrativos polo Covid-19. O Concello retoma a oferta, con 62 vacantes para Policía Local e 24 máis para os Bombeiros.
Abel Caballero informou este luns de que o transporte urbano municipal recibiu o Certificado de Boas Prácticas de Aenor pola xestión dos posibles riscos derivados da Covid-19. A certificadora revisará trimestralmente o cumprimento “escrupuloso” deste protocolo.
Abel Caballero informou este luns de que VigoZoo reabrirá mañá co paso de Galicia á Fase 3 de desescalada pola pandemia do Covid-19. As instalacións deberá cumprir un 30% do seu aforo ata que a vindeira semana reabra tamén o edificio do Reptilario e a afluencia xa poderá ser do 50%.
O Concello de Vigo convoca os cursos de verán da Escola municipal de Teatro, que este ano serán online. Coa preinscripción xa aberta, o centro propón formación sobre interpretación ante a cámara, habilidades de comunicación e creación dun obradoiro teatral.
Abel Caballero mantivo un encontro virtual con cincuenta membros da Fundación Vigo Convention Bureau, representantes do ámbito turístico da cidade, para tratar o desenvolvemento do sector durante este verán que "non se dá por perdido".
Informou Abel Caballero da aprobación da subvención a Foanpas, máis de 600.000 euros para actividades extraescolares e axudas de comedor escolar para o alumnado. Ademais, o goberno de Vigo amplía a un mes o prazo para optar ás 900 prazas do programa “Vigo en inglés” para estudantes de ESO.
O rexedor de Vigo e presidente da FEMP, Abel Caballero, subliñou este xoves no Congreso que “só se pode chegar á economía da proximidade a través dos Gobernos Locais” e insistiu en que teñen de ser “actores esenciais de todo o relanzamento e a reconstrución económica”
O goberno local aprobou esta mañá a prórroga por cinco anos da concesión do transporte público ao tempo que paraliza o proceso dunha nova licitación que tiña practicamente ultimada. A incerteza xerada pola pandemia respecto do uso do transporte público obriga ao Concello a postergar a convocatoria dun novo concurso polo “risco” de que, se non se presentan empresas, a cidade puidera quedar sen este servizo esencial.
Segundo informou o alcalde, con este pago o Concello xa abonou as achegas de comedor correspondentes á parte proporcional de marzo no que os colexios estiveron pechados e aos meses íntegros de abril, maio e xuño. O total ascende a 391.000 euros para máis de 2.600 familias.
O alcalde de Vigo, Abel Caballero, explicou este mércores en rolda de prensa telemática e presencial que tanto as piscinas municipais como os complexos deportivos da cidade reabrirán ao longo da vindeira semana con todas as medidas marcadas na normativa sanitaria da Fase 3 de desescalada da pandemia.