O alcalde de Vigo e presidente da Federación Española de Municipios e Provincias (FEMP), Abel Caballero, recibiu este martes ao alcalde de Logroño e presidente da Rede Española de Cidades Intelixentes, Pablo Hermoso de Mendoza. Ambos rexedores falaron durante a xuntanza sobre a importancia do enfoque municipalista á hora de abordar a reactivación económica e social do país.
A gala de entrega dos galardóns Vigueses Distinguidos podería celebrarse o próximo mes de setembro, segundo avanzou esta mañá o rexedor. O Pleno para designar aos premiados deste ano será o venres, 10 de xullo, ás 09,00 h.
Abel Caballero anunciou que os negocios non terán que pagar a taxa municipal de agua durante os días que estiveron pechados polo estado de alarma. O Concello abonará á concesionaria tanto as cantidades xa pagadas nos recibos cargados como nas vindeiras facturas.
Abel Caballero anunciou que os pequenos e medianos comercios que estiveron pechados durante os 90 días que durou o estado de alarma non terán que pagar o imposto de lixo. O Concello aplicará o desconto no vindeiro recibo, que non se abonará ata o 5 de outubro.
O alcalde deu conta esta mañá do bo resultado da mostra realizada o pasado 1 de xullo nos 24 areais máis grandes da cidade. Avanzo que o Concello seguirá a facer control sobre as condicións das augas das praias ao longo de todo o verán.
Abel Caballero pasou revista este luns aos equipos de seguridade e desinfección que traballan xa desde o pasado mes de xuño no control do aforo e hixiene dos parques infantís, biosaudables e pistas deportivas de Vigo. O Concello de Vigo destina case 360.000 euros a estes traballos durante tres meses para cumprir a normativa do Covid-19.
Abel Caballero afirmou este venres estar orgulloso de varias empresas de orixe vigués que actualmente investigan en busca de solucións contra a pandemia do Covid-19. O alcalde mencionou a recente visita do ministro Pedro Duque ao Grupo Zendal, fundado en Vigo e con sede en O Porriño, que recibiu case 1 millóns de euros de subvencións para dous proxectos sobre a vacina do coronavirus, e tamén felicitiou a Pharmamar, que logrou un antiviral eficaz contra a enfermidade.
O alcalde explicou este venres que o Concello de Vigo xa destinou un total de 1,5 millóns de euros a traballos de desinfección pola pandemia do Covid-19. Entre as partidas, Caballero apuntou á limpeza de rúas, colexios, parques e pistas deportivas. O rexedor anunciou que reclamará á Xunta de Galicia o pago do custe por ser de competencia autonomica.
Desde esta fin de semana e ata o mes de outubro desenvólvense os dous ciclos de concertos no Verbum e na Praza de Galegos Ilustres incluídos neste programa anual que financia o Concello cun investimento de case 200.000 euros. Este venres abre o Festival TerraCeo no Auditorio que inclúe a actuación de grupos e artistas locais.
O alcalde informou este venres do acordo acadado coa Dirección Provincial do INSS para a remisión automatizada dos certificados de empadroamento precisos para facer a solicitude. Amais, explicou que o goberno municipal atopou solución habitacional para tódalas persoas que estaban aloxadas no Pavillón do Berbés.