Abel Caballero e a presidenta de Médicos do Mundo en Vigo asinaron esta mañá de venres un convenio de colaboración por 50.000 euros. Deste xeito, o Concello subvenciona o 40% de CEREDA, o Centro de Reducción de Daños que esta ONG xestiona en Vigo para atender a drogodependientes. Esta colaboración súmase á partida orzamentaria que as arcas municipais destinan ao CEDRO.
Abel Caballero firmou hoxe xoves un convenio coa Rede de Mulleres polos Malos Tratos, que supón un apoio económico por valor de 13.500 euros destinados a promover as actividades da rede e á loita pola igualdade e contra a violencia de xénero. Esta subvención, compleméntase con outras actividades municipais na defensa das mulleres vítimas de malos tratos como é o Centro de Emerxencia para toda Galicia, financiado integramente polo Concello.
O alcalde de Vigo explicou hoxe mércores que en 2013 o Concello achegou case o 71% do orzamento de CEDRO, sendo a asistencia sanitaria unha competencia exclusiva da administración autonómica. Tal e como indicou, as achegas da Xunta pasaron de 695.357 en 2009 euros a 454.067 euros en 2013, mentres que o Concello suple eses recortes aumentando as súa achegas ano tras ano.
No marco do programa "Vente con Nos" que acolle o convenio de colaboración que ten asinado a Concellería de Cultura Festas e Museos coa Agrupación de Centros Deportivos e Culturais da nosa cidade, informase da apertura do prazo de admisión de solicitudes ata ás 13.30 horas do día 30 de maio do presente ano.
O concelleiro de Deportes, Manel Fernández, animou a todo Vigo a achegarse o próximo sábado ás Travesas para disfrutar dos XVIII Xogtos Olímpicos de baloncesto para persoas con discapacidade. Unha xornada deportiva, organizada por Special Olympics Galicia e FADEMGA FEAPS Galicia, e promovidos pola Asociación SAN FRANCISCO, de Vigo, que reunirá a máis de 300 deportistas.
O alcalde de Vigo asinou este martes sendos convenios de colaboración coas entidades sociais Banco de Alimentos e Érguete. Segundo estes acordos de colaboración, a primeira ONG recibirá 43.000 euros, mentres que a asociación de axuda ao toxicómano ingresará 45.000 euros.
Desde hoxe mércores ata o luns 28 de abril estará aberto o prazo para solicitar as axudas de bonotaxi. Cunha partida económica de 25.000 euros, este ano, ademais do grado de dicapacidade dos usuarios, terase en conta o nivel de renda e as achegas oscilarán entre os 100 e os 300 euros.
Os cheques municipais para axudas de emerxencia de alimentos serán substituídos por tarxetas de crédito coas que os usuarios poderán comprar comida e productos de hixiene de primeira necesidade en calquera establecemento da cidade. Tal e como explicou o rexedor, este novo instrumento significa "dignidade e discreción" para os beneficiarios que serán persoas sen ingresos. No 2013, o Concello investiu 445.000 euros en axudas de emerxencia social.
A Xunta de Goberno Local aceptou a prórroga de cinco anos da cesión da Casa do Pescador como albergue, un servizo ao que se adican anualmente 663.548 euros. Nesta mesma sesión tamén se adxudicou provisionalmente a xestión da Escola Municipal de Teatro, que conta con 150 alumnos.
O alcalde avanzou que o Concello está a buscar fórmulas para axudar a dúas familias viguesas que están sendo amenazadas con desafiuzamentos. Nun dos casos, o dunha muller cunha filla minusválida que viven en Pi i Margall, o rexedor ofreceuse a que o Concello asuma o custo do aluguer "un tempo razonable para ver se mentres tanto aparece unha solución".