martes, 10 nov 2015
Segundo anunciou este martes o alcalde, a Xunta de Goberno Local acordou incrementar de novo a partida para axudas de emerxencia a familias en 70.000 euros para atender a demanda dos que máis o precisan, que se suman aos 200.000 euros xa engadidos nos meses de xullo e agosto aos 445.000 euros que figuran no orzamento municipal para 2015. O total de fondos adicados ao efecto polo Concello de Vigo neste ano elévase a preto de 750.000 euros.
xoves, 22 out 2015
Impórtanos, a Coordinadora Galega de ONGD e a Rede Social Galicia Sur (RSGS) organizan en Vigo a Semana de loita contra a pobreza e as desigualdades no marco da campaña Pobreza Cero convocando á cidadanía o venres, día 23, a decorar de forma conxunta, co apoio do proxecto Til Diacrítico, o muro xunto ao Centro de Inclusión de Vigo, na rúa Marqués de Valterra dende as 16:30. Para pechar o acto, ás 19:30 horas, terá lugar a concentración e a lectura do manifesto.<br />
mércores, 7 out 2015
A concelleira de Benestar Social, Isaura Abelairas, participou esta mañá nos actos do Día Mundial da Parálisis Cerebral, organizados pola asociación Apamp na praza de America.
xoves, 1 out 2015
A concelleira de Política Social deu a coñecer este xoves as actividades do Centro Integral de Inclusión Social e Emerxencias para o último trimestre do ano, coas que se quere dar a coñecer a problemática dos usuarios entre a sociedade viguesa. Ademais, Isaura Abelairas, adiantou que no mes de decembro o albergue vai desenvolver unha nova xornada de portas abertas para que a cidadanía poida coñecer o traballo que se desenvolve nesas instalacións.
venres, 28 ago 2015
Tras tela incrementado o pasado mes en igual contía, a partida para atender a emerxencia social das familias (alimentación, vivenda, enerxía, etc) ascende agora a 645.000 euros, tras aprobar este venres a Xunta de Goberno Local a suma doutros 100.000 euros. O alcalde de Vigo deu conta deste aumento, ademais de informar da concesión de 240.000 euros a 43 entidades para fomentar a participación cidadá e o asociacionismo.
venres, 21 ago 2015
Tras unha reunión coa dirección, o alcalde de Vigo trasladou o "apoio" municipal á entidade nas súas reivindicacións ante o goberno autonómico e afirmou que "a Xunta está obrigada a atender a San Franscisco e a garantir que os seus usuarios continúen alí se o desexan". Caballero denunciou "minusvaloración" da entidade e "desatención" por parte do goberno de Santiago.
xoves, 13 ago 2015
Segundo aseverou este xoves o alcalde de Vigo, o goberno local amplía a teleasistencia a colectivos con dificultades de audición e/ou comunicación, incluíndo no dispositivo tradicional un sistema de mesaxes de texto predefinidos. A partir de setembro estará dispoñible, avanzou Caballero.
martes, 28 xul 2015
O alcalde de Vigo recibiu este martes ao medio centenar de nenos e nenas saharauis que, durante dous meses, viven na cidade con familias de acollida, tamén presentes no acto desta mañá. Caballero explicou que o Concello de Vigo faise cargo do custo íntegro das viaxes dos pequenos, con10.000 euros de orzamento.
luns, 20 xul 2015
O alcalde visitou este luns as instalacións da Asociación San Francisco, onde o Concello de Vigo leva adiante as actividades para discapacitados no programa "Lecer de Verán", nos meses de xullo e agosto. Cun total de 210 prazas, o goberno local ofrece ademais aos usuarios o transporte de balde.
venres, 10 xul 2015
Así o comunicou este venres Abel Caballero, despois da Xunta de Goberno Local que acordou elevar en 100.000 euros os case 500.000 euros destinados a axudas de emerxencia, fundamentalmente para pagos de vivenda, suministros e alimentación. O Concello tamén aprobou hoxe o proxecto de humanización de Marqués de Valterra e deu luz verde á licitación da xestión de tres escolas infantís municipais.
