O alcalde de Vigo amosou hoxe venres o seu rexeitamento a que os "pensionistas" sexan os "paganos" da crise económica e avanzou o apoio da cidade ás mobilizacións que loitan pola súa revalorización. Así o dixo logo de manter un encontro con responsables de CCOO e UXT.
O alcalde salientou esta mañá o retroceso dos dereitos sociais como unha das máis cruentas consecuencias da crise económica. Así o dixo diante de recoñecidos profesionais do eido sanitario que hoxe xoves participaron na Xornada Saúde e Autismo organizada en Afundación.
Abel Caballero amosou este xoves un "gran orgullo de cidade" por carecer Vigo de lista de agarda nas bolsas de libros e comedor escolar. A Xunta de Goberno Local resolveu a convocatoria para o novo curso, cun total de 4.505 axudas concedidas. En total, o Concello adica este ano 1.945.000 euros ao efecto.
"Nin un só neno quedará sen bolsa de comedor mentres sexa alcalde" asegura Caballero que garantiu a atención aos escolares neste curso, no que o Concello destina 112.000 euros a axudas para libros e material.
O próximo domingo 1 de outubro todos os vigueses están invitados a participar na 34 edición da marcha Aspanaex que arrancará ás 10,30 h do auditorio do parque de Castrelos. Nove quilómetros de solidariedade para concienciar sobre os dereitos das persoas con discapacidade intelectual e racadar fondos para o proxecto de residencia da asociación.
O alcalde deu conta este venres do proceso de pagamento do cheque social do 2017 mediante o cal recibiron axuda municipal para alimentación 1.947 familias, 1.898 para pago de subministros e 1.454 para alugueiros.
"Non quedaremos cruzados de brazos", apunta o rexedor, quen enviará unha carta ao director do Imserso demandando que poñan autobuses desde Vigo e Pontevedra para os desprazamentos dos pensionistas a Santiago a coller os avións.
Abel Caballero explicou que se dedican programas como o servizo de transporte do programas de maiores, o de respiro familiar ou obras de reparación no Albergue. O Concello financia con 7.000 euros a organización da Festa do Mexilón e presta cinco pezas do Quiñones de León ao Museo Nacional de Arqueoloxía.
Caballero visitou este luns a Asociación de Familias de Persoas con Parálise Cerebral (APAMP) para asistir á instalación do columpio accesible, e do que o Concello se encargará do seu mantemento. "Queremos que os parques infantís de Vigo estean preparados para a súa utilización por persoas con discapacidade", aseverou.
Abel Caballero recibiu este xoves aos responsables desta entidade de axuda aos nenos e nenas con doenzas oncolóxicas na cidade e asegurou o respaldo do Concello aos enfermos e aos seus familiares e tamén para divulgar a labor da asociación e atraer así máis voluntarios.