xoves, 16 xuñ 2016
O alcalde asinou este xoves o convenio de colaboración coa Asociación Solidariedade Galega co Pobo Saharauí para colaborar co programa anual "Vacacións en paz" do ano 2016 que, cun importe de 26.000 euros, servirá para custear os traslados dos cativos para pasar o verán con familias viguesas, das que eloxiou o seu "labor humanitario" nesta causa.
luns, 13 xuñ 2016
O alcalde recibiu este luns a unha representación de TEAVI, a Asociación de Trastornos do Espectro Autista de Vigo, que levan máis dun ano de traballo na cidade co fin de "desenvolver un proxecto de tratamento e atención" aos nenos e nenas afectados para apoialos no ámbito educativo, social e laboral. Caballero amosoulles o respaldo do Concello ao seu labor "como sempre fixemos", apuntou, con entidades destas características.
martes, 7 xuñ 2016
Abel Caballero defenderá desde a Alcaldía de Vigo e desde a FEMP un pacto de Estado pola Infancia que trate de facer fronte ás "severas consecuencias" que causa a crise económica nos máis pequenos. Así mesmo, avanzou que a cidade optará a lograr o recoñecemento de Unicef de ser Cidade da Infancia.
venres, 3 xuñ 2016
A ONG Plan Internacional vén de presentarlle a Abel Caballero a campaña "Por ser niña", que busca concienciar á cidadanía sobre a discriminación e violencia sufrida por millóns de nenas en todo o mundo. O rexedor amosoulles o apoio e participación do goberno municipal con este proxecto.
martes, 31 mai 2016
O segundo tenente de alcalde, David Regades, reiterou este martes que o goberno de Vigo asegura o acceso á auga de todas as familias viguesas, pois "en ningún caso" se corta o subministro a fogares por problemas económicos. O edil recordou que existe o pago aprazado sen xuros nin penalizacións e un programa de axudas para persoas sen recursos.
martes, 24 mai 2016
Este martes 24 de maio conmemórase o Día Nacional da Epilepsia e o Concello de Vigo súmase á efeméride tinguindo de laranxa as fontes da rúa Aragón a partir das 21:30 horas desta noite. Este acto simbólico quere servir para chamar a atención da sociedade sobre a enfermidade sobre a necesidade de atender ás persoas que a sofren.
venres, 20 mai 2016
Segundo comunicou este venres Abel Caballero, os interesados poderán presentar as súas solicitudes ata o 15 de xuño, pedindo cita previa ben no 010, ben nos centros municipais de servizos sociais de Coia, Rivera Atienza, Princesa e Teis. "Estamos moi orgullosos deste programa", subliñou o alcalde, pois "consegue que en Vigo ninguén estea desafiuzado".
mércores, 18 mai 2016
O músico vigués Manu Escudero ofrecerá o sábado 21 de maio no Teatro García Barbón un concerto solidario no que presentará o seu segundo disco, Caminando, e no que contará coa compañía de Cómplices sobre o escenario. Os beneficios serán para as asociacións de enfermos de fibrosis quística e ELA.
luns, 9 mai 2016
Promovida por Aspanaex, a Fundación Abrente e o Concello de Vigo, o alcalde invitou á cidade a sumarse e participar nesta proba non competitiva do Proxecto ENKI, que loita pola integración das persoas con diversidade funcional. Co apoio da Obra Social La Caixa e fins solidarios, a Carreira será o 29 de maio no Náutico e está aberta a todos os públicos.
luns, 2 mai 2016
O alcalde de Vigo, o conselleiro de Política Social e os responsables da entidade asinaron este luns un convenio a tres anos para a implantación na cidade do programa CaixaProinfancia, centrado na atención a menores de idade en situación de risco de exclusión. A acción centrarase na procura da mellora educativa para fomentar a igualdade de oportunidades.