O alcalde de Vigo, Abel Caballero, mantivo este mércores unha xuntanza con representantes do colectivo Mulleres Viúvas Demócratas de Vigo, a quen lles trasladou o apoio do Concello no congreso que organizarán o vindeiro mes de febreiro. "Destacan pola súa oposición á conxelación de pensións baixas que mantiña o goberno de Mariano Rajoy e terá o apoio do Concello", sinalou.
O alcalde de Vigo volveu poñer en valor esta mañá que Vigo é a única cidade galega cun albergue municipal que, ademais de cama ofrece servizo de comedor. Non obstante, para atender ás persoas que non queren acudir ás dependencias de Marqués de Valterra, o Concello mantén operativo o dispositivo do frío, que entrega bebidas quentes, sopa, mantas e sacos de durmir.
O alcalde avanzou esta mañá que efectivos de Protección Civil se sumarán ao equipo de rúa que atende ás persoas que están na rúa porque se negan a durmir no albergue. O dispositivo do frío actúa tres veces ao día facilitando bebidas quentes, mantas e información sobre a dispoñibilidade de camas.
O rexedor visitou este venres a asociación Vida Digna onde tivo a oportunidade de saudar aos Reis Magos que estaban escoitando ás nenas e nenos e repartindo regalos para os máis pequenos. Abel Caballero trasladoulles ás familias os seus mellores desexos e manifestou o compromiso municipal co labor que desenvolve a entidade, que recibe anualmente 45.000 euros para axudar no servizo de comedor que prestan a quen o precisa.
O equipo, en coordinación co albergue e coa Policía Local, sae á rúa tres veces ao día ofrecendo bebidas quentes e mantas así como información sobre a dispoñibilidade de camas.
O alcalde recibiu este venres ao novo decano e parte da directiva do Colexio de Procuradores de Vigo. O colectivo propuxo elaborar un protocolo para dar a coñecer ao Concello posibles casos de desafiuzamento "con moita antelación". O alcalde saudou a proposta: "gañaríamos tempo para tomar decisións".
A Xunta de Goberno Local vén de aprobar as axudas de emerxencia social para o ano 2019 para cubrir gastos de vivenda e alimentación a familias que o precisen. Amais, deu luz verde á clasificación de ofertas para obras en 31 vías municipais por un importe de 1,7 millóns de euros.
Coa doazón de bicicletas en desuso, que serán recuperadas por talleres vigueses, as persoas colaboradoras permitirán que os nenos de familias con poucos recursos teñan unha bicicleta este Nadal. Amais, o alcalde avanzou detalles da marcha ciclista Bicis no Nadal que se celebra este domingo día 16.
Isaura Abelairas animou a todo Vigo a refuxiarse "Baixo un mesmo paraugas", para reivindicar o Día Internacional das Persoas con Discapacidade. Por terceiro ano consecutivo, o luns 3 de decembro na Praza da Estrela daranse cita trece entidades sociais, ademais de alumnos de primaria e secundaria.
O Mercado de O Progreso acolleu unha nova edición do proxecto Come rico, vive san que trata de inculcar nos máis pequenos hábitos alimenticios saudables. O alcalde achegouse esta mañá a un destes obradoiros nos que xa participaron máis de 400 estudantes.