Abel Caballero anunciou que partir da próxima semana comezará o prazo para presentar a solicitude das becas de comedor. O alcalde incidiu en que as axudas do Concello de Vigo “están garantidas ao cento por cento para todos os demandantes que cumpran os requisitos”, e que “Vigo é a cidade española coa política social máis importante de España”.
Esta mañá tivo realizouse o tradicional acto de recepción que ofrece o alcalde, Abel Caballero, ás familias viguesas acolledoras e aos 150 nenos e nenas saharauís que pasarán o verán na cidade. Un ano máis, Vigo volve a ser a cidade de España que máis nenos e nenas saharauís acolle a través de “Vacacións en Paz”, como explicou o rexedor o goberno de Vigo achega un total de 70.000 euros o ano á Asociación Galega do Pobo Saharauí para levar adiante este programa. Aproveitou o rexedor para destacar a labor realizada por Maite Isla, presidenta da asociación e, recentemente, nomeada coordinadora estatal das asociacións solidarias co Sahara.
O Concello en colaboración coa ONCE instala unha maqueta tiflolóxica con información accesible sobre a “gran praza da cidade” porque “queremos que sexa para tódalas persoas”.
As prazas de todo Vigo ofrecerán actividades ao aire libre para todas as idades dentro do programa de Avellentamento activo. Serán de luns a venres entre as 10,00 e as 11,00 h en distintos espazos públicos da cidade.
O Festival de Arquitectura Urbana, que se desenvolve en Vigo ata o vindeiro 14 de xullo, acolle este martes unha mesa redonda interxeracional baixo o lema “Deseñando o futuro xuntos”.
A Xunta de Goberno do Concello de Vigo aprobou hoxe a segunda e última prórroga do contrato do Servizo de Axuda no Fogar, de decembro do 2024 a novembro de 2025, por un importe de 10.574.116 euros. A Atención á dependencia “é o servizo que se presta con maior orzamento en toda a área da política social”, lembrou este venres o alcalde.
O goberno local segue promovendo o programa de alugueiro de vivendas a prezo taxado para o que iniciará o próximo martes unha modificación orzamentaria de 885.130 euros, dos que 150.000 serán destinados a este programa. O resto do montante estará destinado a adquirir parcelas no entorno do Ifevi e no paseo do Lagares así como para urbanizar distintas zonas da cidade.
Abel Caballero destacou que en Vigo “existen 12.897 inmobles vacíos, xa que o seu consumo de auga nos últimos seis meses é inferior a 1m3” e dos que “case o 90% son propiedade de persoas físicas”. O obxectivo é fomentar o alugueiro de vivendas a prezo taxado coa aprobación dunha batería de axudas para promover a incorporación dos pisos vacíos ao mercado.
O Concello refrendou este mércores a súa colaboración e apoio permanente á Asociación Española contra o Cancro participando na posta sobre o escenario do Auditorio Municipal, o próximo 6 de xuño, da obra de teatro “Farsas contemporáneas”, que será representada polo grupo “Ensaio vital”, formado por sobreviventes da enfermidade, así como pacientes, familiares e voluntarios.
Abel Caballero explicou hoxe aos membros da Asociación de Veciños A Miñoca que participaron nunha das dúas viaxes organizadas pola ría de Vigo a bordo da embarcación "Nautilus", integrada non programa municipal de avellantamento activo "Vigo, cidade amiga dos maiores", a beleza e importancia do coñecemento do ecosistema mariño que adquiren os participantes na iniciativa municipal, ao tempo que os animou a gozar da experiencia. Usuarios do servizo de teleasistencia e xubilados e pensionistas Vila Galicia tamén participaron a primeira hora da xornada do desprazamento lúdico-didáctico pola ría. Os interesados poden chamar aos números 600854260 e 649493797, da adxudicataria "Ocean Secrets", ou a través do servizo de información 010. Neste programa participarán 2.600 persoas maiores de Vigo.