mércores, 29 mai 2024
Abel Caballero explicou hoxe aos membros da Asociación de Veciños A Miñoca que participaron nunha das dúas viaxes organizadas pola ría de Vigo a bordo da embarcación "Nautilus", integrada non programa municipal de avellantamento activo "Vigo, cidade amiga dos maiores", a beleza e importancia do coñecemento do ecosistema mariño que adquiren os participantes na iniciativa municipal, ao tempo que os animou a gozar da experiencia. Usuarios do servizo de teleasistencia e xubilados e pensionistas Vila Galicia tamén participaron a primeira hora da xornada do desprazamento lúdico-didáctico pola ría. Os interesados poden chamar aos números 600854260 e 649493797, da adxudicataria "Ocean Secrets", ou a través do servizo de información 010. Neste programa participarán 2.600 persoas maiores de Vigo.
sábado, 25 mai 2024
O Concello oferta máis de 240 prazas en campus para persoas con diversidade funcional. “Favorecemos a educación non formal, o desenvolvemento integral de persoas con diversidade funcional e a conciliación familiar”, dixo o alcalde.
mércores, 15 mai 2024
As persoas xordas poden comunicarse desde hoxe co 010 a través da vídeo interpretación en lingua de signos. Tal e como probaron esta mañá, o acceso será por medio dunha plataforma online denominada SVisual.
martes, 23 abr 2024
Descubrir ou redescubrir a Ría de Vigo navegándoa é o obxectivo do programa municipal “Vigo, cidade amiga dos Maiores” que se desenvolverá durante os meses de maio, xuño e xullo. “Queremos que ninguén quede sen viaxar e navegar gratuitamente pola ría”, afirmou Abel Caballero.
xoves, 11 abr 2024
O rexedor reuniuse hoxe con membros responsables da Asociación Discamino de Santiago, na que "falamos de proxectos de colaboración" polo cal "asignarésmolles apoio económico". Caballero destacou o seu desexo de que "sexa unha forma de que todo o mundo teña actividade e conte cunha gran visibilidade" para as persoas con diversidade funcional, ademais de ser un gran proxecto de "sensibilidade social".
martes, 9 abr 2024
O alcalde puxo en valor o “inmenso éxito” deste servizo municipal que o pasado mes de marzo atendeu 717 persoas usuarias, a maioría delas mulleres de entre 86 e 90 anos que viven soas.
xoves, 4 abr 2024
Abel Caballero indicou que na Xunta de Goberno Local de mañá "aprobaremos o convenio de colaboración coas Ong Alborada, Amaina e Érguete para desenvolver o programa anual de prevención das drogodependencias e outras condutas adictivas", por un importe de 106.800 euros. Como indicou o rexedor, "queremos seguir traballando para promover a conciencia social sobre a importancia dos problemas, os danos e custos persoais e sociais provocados polo consumo de drogas".
martes, 2 abr 2024
A concelleira de Benestar Social, Yolanda Aguiar, participou esta mañá na Día Mundial da concienciación sobre o autismo que se celebra hoxe 2 de abril. O MARCO foi o espazo elixido pola Fundación Menela para promover unha campaña que este ano leva o lema “Autismo certa de ti”. O obxectivo é visibilizar as persoas con Trastorno do Espectro do Autismo (TEA) que están ao noso carón, perseguindo xerar un cambio de actitude na cidadanía que desemboque na comprensión, tolerancia e respecto cara ás persoas con autismo e as súas familias.
martes, 2 abr 2024
O alcalde reuniuse na xornada de hoxe con representantes da Fundación do Secretariado Xitano, que achegaron a súa bandeira ao Concello para proporlle ao rexedor, un ano máis, que ondeara na Casa Consistorial. O día 8 celébrase o Día Internacional do Pobo Xitano, unha xornada na que se reivindica o seu dereito ao recoñecemento e á igualdade. Caballero informou que a bandeira estará xunto ás institucionais o 8 de abril e que a Federación exporá o seu manifesto no próximo pleno do mes de abril.
luns, 25 mar 2024
O alcalde deu conta da publicación das bases para o programa de subvencións para a realización de proxectos de cooperación internacional cun importe de 60.000 euros.
