mércores, 29 nov 2023
Abel Caballero presentou este mércores, coa concelleira de Política Social Yolanda Aguiar, o programa organizado o domingo 3 de decembro na Praza da Estrela por 15 entidades sociais de Vigo con motivo do "Día Mundial da Discapacidade". “Baixo o mesmo paraugas” é o lema das actividades que se multiplicarán nas principais cidades de Galicia para sensibilizar sobre a existencia dunha sociedade diversa e plural.
luns, 27 nov 2023
Ante a inacción da Xunta de Galicia en materia de vivenda, Abel Caballero anunciou esta mañá a posta en marcha dun programa piloto de intermediación para o alugueiro de vivendas sociais. O Concello afronta así unha cuestión que é responsabilidade única do goberno autonómico.
venres, 10 nov 2023
A concelleira de Benestar Social, Yolanda Aguiar, puxo en valor o traballo realizado pola Fundación Esplai na redución da fenda dixital das persoas maiores que se desenvolveu no MARCO. Aguiar lembrou que o Concello de Vigo, tras realizar o Mapa da Soidade máis amplo de todos os municipios de España, estableceu unha estratexia de atención ás persoas maiores, ao amparo da cal xa se están desenvolvendo numerosas medidas incluídas no Plan, como é o Programa de Envellecemento Activo; Vigo, Cidade Amiga dos Maiores, con máis de 7000 prazas; ou o Programa de Capacitación Dixital, que se desenvolve en en todas as asociacións e centros cívicos.
xoves, 9 nov 2023
Yolanda Aguiar, concelleira de Política Social, asistiu hoxe á inauguración do VIII Foro Internacional de referencia no que se abordarán os retos e oportunidades do ecosistema da saúde. A concelleira agradeceu especialmente ó comité organizador RIES 2023 como ó Cluster Saúde Galicia, por escoller a cidade de Vigo e reunir ós principais axentes dos sectores sanitarios e socio-sanitarios tanto público como privado.
mércores, 8 nov 2023
A concelleira de Política Social, Yolanda Aguiar, inaugurou esta mañá as Xornadas AMIZAR nas que se debaterá sobre o programa piloto de innovación en vivenda para a súa desinstitucionalización. As xornadas organizadas pola asociación Provivenda co apoio do Concello de Vigo desenvólvese no museo Verbum
mércores, 8 nov 2023
Os orzamentos para 2024 recollen unha suba de 125.000 euros para os comedores sociais e as becas comedor para escolares superan os 2.000.000 euros. A partida máis alta é para o Servizo de Axuda no Fogar, con case 11 millóns de euros. “Temos o máis importante orzamento para benestar social en realización coa poboación”, afirmou o alcalde.
luns, 6 nov 2023
Abel Caballero mantivo un encontro este luns cunha representación do sindicato de xustiza STAJ que reclama a necesidade de implantar este servizo nos xulgados de instrución de Vigo.
martes, 24 out 2023
A asociación AVEMPO organiza o vindeiro domingo 29 de outubro la “XI Edición da Carreira Solidaria pola Esclerose Múltiple”. Os organizadores do acto solidario avanzan que a saída terá lugar na Alameda de Bouzas, ás 11 horas. A carreira realizarase en formato 5k, 10k e andaina. As inscricións, que poden realizarse na páxina web de AVEMPO, pecharanse mañá mércores ás 23:59 horas.
venres, 6 out 2023
O alcalde recibiu ao comité organizador do Foro Internacional de Ecosistemas de Saúde que se celebrará en Vigo o 8 e 9 de novembro. Profesionais de todo o mundo na terceira idade exporán os novos medios e formas de afrontar a lonxevidade e o desenvolvemento das persoas maiores cos novos ecosistemas na saúde. Abel Caballero puxo de manifesto a importancia que teñen as novas formas de afrontar a idade. Desde a organización sinalaron na xuntanza a vantaxe de Vigo para acoller o foro, cunha cátedra de idadismo e desenvolvemento das políticas públicas municipais como a teleasistencia, o mapa da soidade e programas de envellecemento activo.
luns, 2 out 2023
O alcalde recibiu o primeiro premio da mans dos maiores da residencia DomusVi de Barreiro pola súa traxectoria vital. Abel Caballero achegouse ata as instalacións onde saudou aos residentes e recolleu o "Premio Traxectoria", que vai destinado "a unha persoa recoñecida e que fai unha labor importante contra o idadismo". O rexedor agradeceu o recoñecemento e puxo de manifesto a importancia e actividade que o goberno local lle dai á terceira idade.
