O alcalde reitera o apoio do Concello á Asociación Española contra o Cancro
Abel Caballero reiterou este mércores aos directivos de Vigo e de Pontevedra da "Asociación Española contra o Cancro" o apoio municipal. "Contade con nós no que necesitedes", afirmou durante a súa visita ás instalacións da rúa Venezuela con motivo da celebración do “Día Mundial contra o Cancro”.
O alcalde e a concelleira de Política Social percorreron hoxe as instalacións da delegación de Vigo da "Asociación Española contra o Cancro" coa presidenta e a vicepresidenta provincial da asociación, Ana García e María Esperanza Fernández, así como co xerente, Adolfo Santos, e a vogal Rocío Durán.
Profesionais e voluntarios do centro explicaron ao rexedor o traballo gratuíto que desenvolven cos enfermos de cancro e agradeceron o apoio do Concello de Vigo.
“Formades parte tan sensible da sociedade e as persoas venvos extraordinariamente”, indicoulles Caballero ao destacar tanto a transcendencia das actividades que desenvolven como o apoio a ONGs de Vigo como “Bicos de Papel” á que ceden temporalmente un espazo para as súas actividades.
