O alcalde percorreu este venres, coa primeira tenente de alcalde, o concelleiro de Cultura, o director dos museos municipais e o responsable do Museo Quiñones de León, o remodelado espazo expositivo da primeira planta da Casa das Artes. O Concello investiu preto de 200.000 euros nas obras de mellora.
A Xunta de Goberno aprobou o V Plan Integral de Igualdade de Oportunidades entre Mulleres e Homes da cidade de Vigo, que estará vixente no período 2026–2030.
O alcalde deu conta este venres de tres novas propostas na área de deportes para ser recoñecidos no mes de marzo como Vigueses Distinguidos.
O alcalde anunciou que o Concello colaborará coa Cámara de Comercio na organización de actividades formativas para a mocidade que se desenvolverán na Casa da Xuventude, un espazo municipal que o Goberno municipal reformou en 2025 cun custo de case 100.000 euros.
A fin de semana do 7 e 8 de marzo a Porta do Sol e a rúa do Príncipe acollerán a 61 edición do Concurso- exposición Internacional da Camelia. O alcalde explicou hoxe que o Concello vai realizar unha formulación diferente á das edicións anteriores xa que se instalará unha gran carpa na Porta do Sol para acoller a exposición das flores a concurso e para realizar talleres e o xardín “Sireno. Amais na rúa despregaranse doce paneis informativos con curiosidades e cultura da camelia. “Vigo é unha cidade de camelia”, afirmou o alcalde ao avanzar que a nova mostra estará centrada na forma de identificar unha cidade coas camelias.
A nova edición do torneo de fútbol base contará con 300 equipos e máis de 5.000 participantes.
A carreira partirá do Paseo das Avenidas (Montero Ríos) e finalizará na fortaleza do Castro, nun percorrido de tres quilómetros sempre en subida. As inscricións permanecen abertas.