A alcaldesa, Corina Porro e o presidente da Asociación de Comerciantes "Os Peiraos", Santiago Vidal, asinaron hoxe un convenio de colaboración para a difusión do Centro Comercial Aberto "Vigo Vello".
A alcaldesa Corina Porro visitaba esta mañá aos traballadores municipais de Cedro, Cemiterio de Pereiró e Policía Local . A alcaldesa subliñou a necesidade de adaptar o Centro Municipal de Atención a Drogodependentes ao cambio de perfil dos usuarios que se ven experimentando nos últimos tempos.
A alcaldesa Corina Porro recibiu ao presidente da Deputación Provincial de Pontevedra, Rafael Louzán , agradecéndolle á dedicación que o organismo provincial amosou coa cidade de Vigo dende o primeiro día.
A alcaldesa, Corina Porro, presentou as áreas de xestión goberno municipal e das concellerías de distrito. O Novo goberno estará conformado en seis áreas de xestión que asumen os concelleiros José Manuel Figueroa, Javier Guerra, Lucía Molares, Antonio Coello, Ignacio López Chaves e Jose Manuel Iglesias. O goberno tamén terá tres concellerías de distrito que ocuparán Marisol Polo, José Manuel Couto e Carlos Comesaña.
O Alcalde de Vigo en funcións, Ventura Pérez Mariño, recibiu hoxe no Concello a un grupo de trinta alumnos de segundo da ESO das Escolas Nieto aos que lles mostrou a sala de Plenos e onde respostou ás preguntas que lle pediron os rapaces.
O alcalde en funcións de Vigo, Ventura Pérez Mariño, sumou hoxe a súa sinatura ao manifesto impulsado pola Organización Mundial da Saúde e polo grupo Imán de Autoapoio VIH/Sida e adiccións, a través da súa páxina web. Pérez Mariño destacou a importancia da prevención e coincidiu á hora de valorar como moi preocupantes algúns dos aspectos que resalta o manifesto, como son o concepto da sexualidade moi vencellado a prácticas machistas que seguen a ter algúns homes.
O Alcalde de Vigo en funcións, Ventura Pérez Mariño, compartiu unha sesión plenaria cos alumnos de sexto de primaria do colexio público Rosalía de Castro. Sentados nos lugares dos corporativos e da prensa, os rapaces escoitaron con atención as explicacións coas que Pérez Mariño defendeu a Constitución como máximo valor de concordia e tolerancia.
O Alcalde de Vigo en funcións, Ventura Pérez Mariño, destacou hoxe a importancia do traballo que desenvolven os voluntarios e agradeceulles a entrega coa que se prestan a colaborar sen máis compensacións que o sentirse útiles. Pérez Mariño fixo estas declaracións minutos antes de descubrir unha placa situada na lonxa do Concello que conmemora a entrega coa que case 11.000 persoas traballaron desinteresadamente para paliar os efectos do "Prestige".
O Alcalde en funcións de Vigo, Ventura Pérez Mariño, visitou hoxe as instalacións municipais dos bombeiros de Balaídos e Teis para transmitirlle aos efectivos a súa gratitude polo traballo desenvolvido por este corpo ao longo destes meses de mandato. Acompañado polo concelleiro de Seguridade, Xulio Calviño, Pérez Mariño explicoulle a estes traballadores do Concello de Vigo que neste tempo de Goberno sentiu en todo o momento o apoio do funcionariado. <br />
O recoñecido humorista gráfico Fernando Quesada Porto será o encargado de ler o bando do día da Constitución que se celebrará no Pazo de Castrelos as doce da mañá do próximo sábado día 6. O acto, que este ano conmemora os 25 anos de vida da Carta Magna, contará coa presencia de representantes políticos e sociais significativos da cidade, así como coa Banda de Música de Valladares. Durante a presentación do acto, o Alcalde en funcións de Vigo, Ventura Pérez Mariño, destacou a relevancia desta conmemoración calificando a Constitución como o mellor monumento á concordia na sociedade e como o marco no que todos temos cabida.