A alcaldesa participou na sesión inaugural

A Universidade organiza un curso sobre a realidade xeral de Vigo

luns, 11 abr 2005

A alcaldesa participou na sesión inaugural do curso "Vigo, unha empresa e moito máis" que se desenvolverá do 11 ao 15 de abril na Escola Universitaria de Estudos Empresariais. No seu discurso, Corina Porro, indicou que en só dous anos Vigo ten escalado corenta e catro postos no ranking de cidades atractivas para crear empresas.

Ofrenda floral ao pobo xitano

venres, 8 abr 2005

A alcaldesa Corina Porro participou no acto conmemorativo do "Día Internacional dos Xitanos" no que se realizou unha ofrenda floral desde a ponte do río Lagares. O acto estivo organizado pola Asociación de Mulleres Xitanas de Vigo "Adiquerando".

A alcaldesa e o conselleiro de Economía asinaron un convenio de colaboración para iniciar o acondicionamento do edificio <br />

Economía financiará parte das obras de remodelación do edificio Cambón

xoves, 10 mar 2005

A Consellería de Economía e Facenda contribuirá ao financiamento das obras no edificio Cambón cunha asignación orzamentaria de 360.000 euros. A alcaldesa de Vigo, Corina Porro, e conselleiro de Economía e Facenda, Xosé Antonio Orza, asinaron un convenio de colaboración polo que o Concello se compromete a executar as obras de demolición parcial e da remodelación do edificio, e a Xunta de Galicia se compromete a participar no financiamento das mesmas.

Corina Porro desprazouse á alameda de Bouzas para decidir o seu emprazamento. A fachada orientarase cara a avenida de Orillamar

A alcaldesa visita o lugar onde se vai emprazar a pérgola de Jenaro de la Fuente

martes, 1 mar 2005

A alcaldesa, Corina Porro, desprazouse, na mañá do martes, ata a alameda de Bouzas para decidir o emprazamento da pérgola de Jenaro de la Fuente, que se vai trasladar a este barrio de Vigo. Corina Porro, acompañada de técnicos municipais e representantes da Asociación de Veciños de Bouzas, percorreu a alameda de Bouzas e decidiu o emprazamento. A fachada da pérgola orientarase cara a avenida de Orillamar.