A Xunta de Goberno Local deu luz verde tamén este xoves á construción das tres rampla mecánicas que comunicarán a contorna do Colexio Losada con Ramón Nieto e á humanización de Pablo Iglesias por un importe de 1,2 millóns de euros.
Trátase dunha actuación que se suma ao corredor mecánico desde o Areal ata o Barrio de Ribadavia. O importe é de 2.674.000 euros, dos cales 1.911.000 apórtaos o Goberno de España a través do Plan de Recuperación, Transformación e Resiliencia dotado cos fondos Next Generation EU.
O portal web de Vigo 3D vén de recibir un recoñecemento dentro da categoría Xestión do Cambio nas AAPP como plataforma de comunicación cidadá. Os premios son adxudicados por Socinfo Dixital “Galicia TIC”. Este proxecto está cofinanciado cos fondos FEDER da Unión Europea.
O Concello adianta os prazos para a instalación da rampla de Carral, que estará operativa a finais do mes de marzo. Deste xeito, complétase a gran remodelación da Porta do Sol, mentres continúan os traballos do túnel que unirá Torrecedeira e Policarpo Sanz.
O alcalde informou este mércores da evolución dos traballos de remate das obras de humanización da Porta do Sol onde o goberno municipal ultima tamén o centro de servizos sociais da Praza da Princesa.
O alcalde puxo a primeira pedra simbólica da obra do Vigo Vertical que dará acceso ao centro de saúde de Teis. A humanización e posta en marcha das ramplas mecánicas na rúa Ángela Iglesias Rebollar salvará unha pendente do 17%.
O alcalde deu conta esta mañá do avance das obras do HALO explicando que nestes momentos estase a executar a cimentación da torre principal de formigón que terá unha altura aproximada de 40 metros desde a rúa Serafín Avendaño. O proxecto prevé a instalación de iluminación nocturna con dous aeroxeneradores que proporcionarán ao conxunto da obra enerxía limpa todo o ano.
Abel Caballero deu conta da recepción doutros dous millóns de euros de fondos Next Generation EU que, nesta ocasión, servirán para financiar a rampla mecánica de Escultor Gregorio Fernández. Con esta achega, xa son 5 millóns os que outorgou á cidade o Ministerio de Industria, Comercio e Turismo.
A Xunta de Goberno Local aprobará o vindeiro venres a licitación para a implantación do mecanismo que conectará a rúa Ramón Nieto coa contorna do centro de saúde de Lavadores e o colexio Fonte Escura e que inclúe a humanización de toda a contorna.
O acceso á AP9 a través do túnel de Lepanto estará previsiblemente operativa a partir do 12 de decembro. Esta infraestrutura pechará de novo durante un mes polas obras do HALO a mediados de febreiro e abrirá definitivamente a mediados de marzo.