A Xunta de Goberno Local aprobou o expediente de contratación da subministración e instalación de sistemas de protección de motoristas en vías municipais co fin de reforzar a súa seguridade. Amais, aprobouse a contratación da cubrición do Tranvía da Praza do Emigrante.
A Xunta de Goberno Local aprobou a contratación do estudo previo, a redacción do proxecto, a dirección facultativa e a coordinación de seguridade e saúde das obras para a conexión peonil entre García Barbón e Vía Norte que ten un orzamento total de 7,2 millóns de euros.
O goberno dirixido por Abel Caballero prorrogou por un ano o contrato para as seis instalacións e a prestación de docencia nas piscinas de Travesas, Teis, Lavadores e Valladares e nos ximnasios do Berbés e do Carme. Ademais, o Concello validou unha subvención por 47.000 euros ao Vigo Voleibol.
Os premios Asprima-Sima son os de maior prestixio do sector e este ano distinguen ao proxecto vigués no entorno do Vialia, como exemplo de mobilización de recursos e pola conversión da zona nun espazo de calidade. Abel Caballero asegurou que o premio “é un recoñecemento aos 14 anos de traballo desde a Alcaldía”.
O alcalde informou este venres da aprobación na Xunta de Goberno Local dos traballos de redacción do proxecto técnico das obras de renovación do colector que recolle as augas residuais ao longo do río. Xunto a esta obra, avanzou os investimentos previstos no abastecemento e saneamento da cidade ou na estación de bombeo de augas residuais de Bouzas que superan os 3,5 millóns de euros de orzamento.
O Pleno acordou esta mañá reclamarlle ao Goberno autonómico o ditame vinculante para que o Concello poida acometer as obras de ampliación e modernización que precisa a potabilizadora do Casal. Todos os grupos da Corporación -excepto o PP -afearon á Xunta o atraso dun ano que acumula na emisión do devandito informe.
Os dous primeiros anos deste cuarto mandato de Abel Caballero estiveron marcados pola pandemia á que o Concello fixo fronte cunha actuación integral, “respondendo á confianza que depositaron en nós os cidadáns”. Durante a presentación do balance de goberno, Caballero lembrou que o proxecto político que encabeza ten un apoio do 90% da cidadanía o que demostra que “Vigo marcha unido”. En todo caso e ao marxe da covid, estes dous anos tamén foron os da confirmación dos grandes proxectos pendentes na cidade como a saída sur, o AVE por Cerdedo ou a Biblioteca do Estado.
A Xunta de Goberno Local aprobou este martes a adxudicación do contrato de mantemento, acondicionamento e mellora das infraestruturas viarias do Concello por un importe de 8,4 millóns de euros.
Este mércores tivo lugar o acto simbólico de colocación da primeira pedra da remodelación dunha nova fase da avenida, desta volta desde a unión con Rosalía de Castro ata a rotonda de Isaac Peral, cun orzamento de 2,2 millóns. O alcalde adiantou que o goberno de Vigo continuará a reforma ata Sanjurjo Badía “inmediatamente despois”, completando así a humanización de García Barbón.
A firma gañadora do concurso municipal para unir a zona de García Barbón con Vía Norte elaborará os estudos previos e os proxectos básico e de execución. Unha vez redactados, sairá a licitación as obras do ascensor, cun prazo de execución de doce meses.