Urbanismo
O Concello promove a decoración de 13 medianeiras da cidade entre o 19 e o 27 de marzo
xoves, 5 mar 2015Trece artistas da cidade comezarán o próximo día 19 de marzo a pintar sobre outros tantos espazos públicos da cidade. Dando inicio así, explicou o rexedor, ao Primeiro programa de tratamento de medianeiras e outros espazos urbanos deteriorados e outras actuacións sobre os espazos públicos. "Vigo, unha cidade de cor", contará con actividades paralelas en centros escolares e na rúa con espectáculos de danza, mapping ou obradoiros para nenos.
O goberno local avanza na Cidade da Xustiza coa tramitación dos dereitos de realoxo dos afectados
venres, 27 feb 2015O alcalde denunciou que Vigo xa destinou 5 millóns para a nova sede xudicial e a Xunta de Galicia, encargada de construila, non ten orzamento ao efecto. Caballero informou que na Xerencia de Urbanismo deste venres deuse conta da resolución pola que o Concello inicia o procedemento para o recoñecemento e determinación da forma de materialización dos dereitos de realoxo dos afectados pola expropiación dos terreos.
O Concello tramita a ampliación do polígono de Balaídos a expropiación do solo para a Cidade da Xustiza
venres, 20 feb 2015Segundo informou Caballero, a Xerencia de Urbanismo deste venres aprobou o proxecto de expropiación dos terreos para a futura Cidade da Xustiza de Vigo, con case 2,5 millóns de investimento, e iniciou igualmente a tramitación para contratar a redacción da ampliación do polígono industrial de Balaídos, "determinante para o futuro" da factoría de PSA en Vigo.
O Concello suma 2,6 millóns para os terreos da Cidade da Xustiza e Caballero solicita á Xunta partida económica para a súa construción
venres, 13 feb 2015A Xerencia de Urbanismo deste venres, tal e como informou o alcalde, acordou a adxudicación dunha nova vivenda municipal de República Argentina 12-14. O goberno local conta agora con case 2,6 millóns para expropiar os terreos da futura Cidade da Xustiza, mentres que a Xunta de Galicia carece de partida orzamentaria para a súa construción, segundo denunciou Caballero.
O alcalde avanza que en tres meses abrirá o centro comercial do edificio Bandeira
xoves, 29 xan 2015O alcalde de Vigo visitou este xoves os traballos de rehabilitación do emblemático inmoble, que abrirá as súas portas en tres meses. Caballero recordou que a mellora presenta un investimento superior aos catro millóns de euros e conlevará tamén a humanización das rúas Vizcaia e Extremadura.