luns, 23 mar 2015
A Xerencia de Urbanismo validou o pasado venres o Plan Inicial da Colonia Histórica "La Soledad", no entorno da Avenida Hispanidade e do Castro, texto que afecta a máis de 63.000 metros cadrados e comprende 44 vivendas, un edificio sanitario e a igrexa. Con este paso, o goberno de Vigo busca preservar a integridade arquitectónica e paisaxística do entorno.
luns, 23 mar 2015
O Concello impulsa Vigo Sonríe, unha exposición ao aire libre na rúa Abeleira Menéndez con 65 fotografías doutros tantos cidadáns de Vigo que amosan un sorriso. Tal e como explicou a tenente de alcalde durante a presentación, esta iniciativa enmárcase dentro do programa de decoración de medianeiras que o goberno local está desenvolver en todos os barrios da cidade.
xoves, 19 mar 2015
O alcalde deu conta dunha nova sentenza do Supremo que, unha vez máis, avala o Plan Xeral e o seu proceso de aprobación en 2007. Trátase, dixo o rexedor da 98 decisión xudicial firme favorable aos intereses do Concello e do seu urbanismo.
xoves, 19 mar 2015
Abel Caballero achegarase esta tarde á posta en funcionamento dun ascensor nun edificio de Coia. Ata o de agora o Concello xa cooperou na instalación de 15 elevadores facilitando os trámites e aplicando desgravacións fiscais.
martes, 17 mar 2015
O alcalde, Abel Caballero, e a tenente de alcalde, Carmela Silva, visitaron este martes algunhas das actuacións complementarias incluidas no programa de tratamento de medianeiras e outros espezos urbanos, neste caso, escolares pintando paneis no mercado de Teis e o alumnado do Pintor Laxeiro participando no mural dun dos muros do colexio.
luns, 16 mar 2015
O alcalde de Vigo, Abel Caballero, foi o encargado de poñer a simbólica primeira pedra da rehabilitación da Casa do Patín, en Bouzas, acompañado pola tenente de alcalde, Carmela Silva, e concelleiros do goberno local. O goberno de Vigo adicará o inmoble a usos sociais -incluindo unha sala de lectura- e abrirá unha oficina descentralizada, na os veciños poderán facer trámites co Concello.
venres, 13 mar 2015
Abel Caballero animou a todo Vigo a gozar do espectáculo que se vai plasmar mañá sábado sobre o edificio do antigo concello, na Praza da Constitución. Trátase, dixo, dun vídeo mapping que se proxectará cada quince minutos desde as 21,00 ata as 23,00 horas. Esta é unha das iniciativas complementarias do Programa de tratamento de medianeiras e outros espezos urbanos.
venres, 6 mar 2015
A Xerencia de Urbanismo deste venres tomou coñecemento da adxudicación por poxa pública á alza en sobre pechado dunha parcela municipal na rúa Miragaia, no entorno de Rosalía de Castro, por un importe de 1.096.935 euros máis IVE, a oferta máis alta presentada pola sociedade Unión Hostelera Gallega. Esta cantidade destinaríase a conseguir os terreos da futura Cidade da Xustiza "en caso de que fora necesario", apuntou Caballero.